ასტროლოგი ხათუნა ნოელი სოციალურ ქსელში ყოველდღიურ ასტროლოგიურ პროგნოზს აქვეყნებს და საზოგადოებას რჩევებს უზიარებს.
ამჯერად იგი მერკურის ვერძში ტრანზიტზე წერს:
„მერკურის ტრანზიტი ვერძში:
3 მარტიდან 29 მარტამდე მერკური, რომელსაც ჩვენი ცხოვრების უმნიშვნელოვანესი თემები კომუნიკაცია, ცოდნა, გონებრივი სამუშაოები, მგზავრობა და ა. შ აბარია, ვერძის ნიშანში იმოძრავებს, სანამ 15 მარტიდან, რეტროგრადულობის გამო, დროებით თევზებში არ დაბრუნდება.
ეს ტრანზიტი ხელს უწყობს სწრაფ აზროვნებას, თამამ საუბრებს და გადაწყვეტილების იმპულსურ მიღებას. მიუხედავად იმისა, რომ ეს შესანიშნავი დროა ახალი იდეების წამოსაწყებად და აზრების თავდაჯერებულად გამოხატვისთვის, ასევე არსებობს ძალიან ადრე საუბრის ან გრძელვადიანი შედეგების გათვალისწინების გარეშე მოქმედების რისკი.
15-იდან 29 მარტს ჩათვლით, როგორც უკვე აღვნიშნე, მერკური რეტროგრადული იქნება. ამ დროს განსაკუთრებულ ყურადღებას მოითხოვს კონტრაქტები, მიმოწერა, მოწყობილობების განახლება.
გადააფასეთ თქვენი ძველი იდეები ან პროექტები, განაახლეთ კავშირები. ვერძის ენერგია გამოიწვევს ცოტაა ზედმეტ პირდაპირობას, რეტროგრადულობამ კი შეიძლება უთანხმოებები მოიტანოს. თავი შეიკავეთ იმპულსური რეაქციებისგან.
ამ პერიოდში მოსალოდნელია შეფერხებები, საცობები, ტექნიკის გაუმართავი მუშაობა, ან მონაცემების დაკარგვა. შეინახეთ მნიშვნელოვან ფაილები დამატებით რესურსებზე.
რეტროგრადული პერიოდი შესაფერისია ძველ ადგილებში დაბრუნებისათვის, დროებითი სამსახურის დასაწყებად, ნახევრად დასრულებული საქმეების დასასრულებლად, მაგრამ ახალი კონტრაქტების ხელმოწერა გადადეთ აპრილისათვის.
გადაამოწმეთ დეტალები, განმეორებით წაიკითხეთ შეტყობინებები. მოერიდეთ მნიშვნელოვან შესყიდვებს ან გადაწყვეტილებებს 14-29 მარტის ფარგლებში.
ეს პერიოდი მოითხოვს ფსიქოლოგიურ მოქნილობას. რეტროგრადული მერკური არ არის საშიში, არამედ „გადახედვის" პერიოდი. გამოიყენეთ ის, რათა ვერძის ენერგიით განაახლოთ სტრატეგიები და გადაჭრათ ძველი პრობლემები.
ამ ტრანზიტის მანძილზე მერკურის რამდენიმე ასპექტი ექნება სხვა პლანეტებთან, რისი ზეგავლენითაც მოსალოდნელია შემდეგი ტენდენციები:
5 მარტს - მერკურისა და პლუტონის სექსტილმა შესაძლოა გამოიწვიოს დაფარული ინფორმაციის გამჟღავნება, საუბრები, რომლებიც იმოქმედებს ტრანსფორმაციული ბიძგებისათვის. ეს ასპექტი აძლიერებს გონებრივ სიღრმეს, საგამოძიებო უნარებს და დამაჯერებელ კომუნიკაციას. უშუალოდ მერკურისთან ერთად, ეს არის გადამწყვეტი, წინდახედული დისკუსიების მომენტი, სადაც ჩნდება ძლიერი იდეები და შეიძლება გამოვლინდეს მნიშვნელოვანი გამოცხადებები. გამოიყენეთ ეს დრო კონფლიქტების გადასაჭრელად ან სტრატეგიების შესაქმნელად. შესანიშნავი დროა საქმიანი მოლაპარაკებებისთვის და დაფარულის გამოსავლენად.
25 მარტს, მერკურის რეტროგრადულობის გამო ეს ასპექტი გამეორდება და შესაძლოა ხელმეორედ გამოჩნდეს იგივე ან კიდევ უფრო ძველი საკითხები, მაგრამ პლუტონის ენერგიით მათი გადაწყვეტა უფრო მარტივი იქნება.
მოკლედ რომ ვთქვათ პირველი ეხება ძლიერ, წინდახედულ გადაწყვეტილებებს, ხოლო მეორე ეხება წარსული არჩევანის გადაფასებას და ფარული ინფორმაციის გამოვლენას.
11 მარტი - მერკურისა და ვენერას შეერთება-ჰარმონიული ურთიერთობა და საუბრები პარტნიორებთან ან მეგობრებთან. შესაძლოა ფლირტი, საკუთარ გრძნობებზე საუბარი. შესანიშნავი დღეა გულწრფელი საუბრებისთვის, ძველი კონტაქტები შეიძლება აღდგეს. გამოიყენეთ ეს დრო გაუგებრობების მოსაგვარებლად.
იდეალური დრო შემოქმედებითი პროექტების დასაწყებად ან ფინანსური შეთანხმებების განსახილველად.
გახსოვდეთ, პლანეტები ქმნიან ტენდენციებს, მაგრამ არაფერს გვაიძულებენ. ძალიან ბევრი არის დამოკიდებული ჩვენზე, ჩვენს პირად რუკებზე“, - წერს ხათუნა ნოელი.
აგრეთვე დაგაინტერესებთ:
🎥 „მოიმატებს მაგიური თავდასხმების და ჯადოქრების თემა“ - რას გვიმზადებს ლილიტის მორიელში გადასვლა?
