ამ კვირას დავასათაურებდი ასე: „ცვლილებები ნებართვას არ ითხოვენ“. ეს კვირა მოვლენების ჩვეული მიმდინარეობის დარღვევას მოიტანს. თვის დასასრული გარკვეულ ციკლებს ასრულებს, ოქტომბერი კი იწყება შესაძლებლობებით, რომელთა გამოყენებაც უნდა შეძლოთ. ფული და პოზიციების გამყარება კვირის მთავარ თემად იქცევა.
მოემზადეთ იმისთვის, რომ სარგებელი შესაძლოა დანაკარგებთან იყოს მეზობლად.
ვინც სწრაფად შეძლებს გარდაქმნას და ახალ რეალობას მოერგება, ის მოიგებს და ნუ გაგიკვირდებათ ძველი ისტორიების დაბრუნება.
ტენდენციები:
▫️ ცვლილებების შესაძლებლობები
▫️ წარსულიდან დაბრუნებები
▪️ ფეთქებადი ემოციები
▪️ თაღლითობის რისკები.
🔔 პიროვნებისთვის: ნუ ჩაეჭიდებით იმას, რაც უკვე ნაცნობია. კვირა გაიძულებთ, სწრაფად შეცვალოთ გეგმები და უჩვეულო ტენდენციებს აუწყოთ ფეხი, რადგან ძველი დაუნდობლად კარგავს ძალას. ბევრი რამ, რაც თქვენთვის საიმედოდ და მყარად გამოიყურებოდა, მნიშვნელობას დაკარგავს, თუმცა ახალი პერსპექტივები სწორედ მათ წინაშე გამოჩნდება, ვინც არასტანდარტული გადაწყვეტილებებისთვის მზად არის.
ვიღაც შესაძლოა შეეცადოს, ძველ დონეზე დაგტოვოთ, მაგრამ რაც უფრო ძლიერია ზეწოლა, მით უფრო დიდი შეიძლება აღმოჩნდეს შემდგომი აღმასვლა.
განიხილეთ ყველა შემოთავაზება.
ტენდენციები:
▫️ წარსული გამოცდილება გამოგადგებათ
▫️ ოჯახი საყრდენს მოგცემთ
▪️ ფულთან დაკავშირებული კამათი
▪️ დამანგრეველი ილუზიები.
🔔 სამსახურსა და საქმიანობაში: მობილურობა და მოქნილობა, აი, კვირის მთავარი მოთხოვნა. ინიციატივას ნუ დაკარგავთ. სწრაფმა გადაწყვეტილებებმა შესაძლოა მომენტალური მოგება მოგიტანოთ, თუმცა ყურადღებით დააკვირდით პარტნიორებს, რადგან მათ შესაძლოა შეთანხმებები დაარღვიონ.
გახსოვდეთ: საქმიანი რისკი ავანტიურას არ ნიშნავს.
ტენდენციები:
▫️ სწრაფი მოგება
▪️ არასაიმედო დაგეგმვა.
🔔 სიყვარულში: წინააღმდეგობები ზედაპირზე ამოდის. მაგრამ მათთან მუშაობაა საჭირო. მხოლოდ ნამდვილი გრძნობა უძლებს ცვლილებებს, ხოლო იმას, რაც ნამდვილი არ არის, არ ღირს ჩაჭიდება. მტკიცე ურთიერთობების დანგრევა შეუძლებელია, მაგრამ თუ ნდობა არ არსებობს, მისი მოპოვებაც შეუძლებელი ხდება. შენარჩუნებას იმსახურებს მხოლოდ ის ურთიერთობები, სადაც არის ნდობა, სიახლოვე და საერთო ინტერესები (გაცნობისთვის ხელსაყრელი დღეები: ორშაბათი, ოთხშაბათი და პარასკევი).
🔔 მთვარის კალენდრის მიხედვით, ამ კვირის, ყოველი დღის პროგნოზი! 28 სექტემბერი, ორშაბათი. წარმატება გადაწყვეტილებას მოითხოვს. მოულოდნელი აღმოჩენები და საინტერესო შეხვედრები მთელი დღის განმავლობაში დაგყვებათ. თუ კარგი შედეგების მიღწევა გსურთ, ნუ შეგეშინდებათ უჩვეულო საქმის წამოწყების.
მოემზადეთ კომპრომისებისთვის, მაგრამ საეჭვო ავანტიურებში ნუ ჩაერთვებით. საღამოს ეცადეთ, ნეიტრალურ ტალღაზე გადაერთოთ (მთვარის მე-18 დღე).
29 სექტემბერი, სამშაბათი. საქმეები ცივ გონებას მოითხოვს. დილა საინტერესო საფიქრალს შემოგთავაზებთ. მოერიდეთ კამათს და კონფლიქტებში ნუ ჩაერთვებით. დანაკარგები შეიძლება სრულიად მოულოდნელად წარმოიშვას, ამიტომ ყურადღება მიაქციეთ საფულესა და ფინანსებს. დახმარებისთვის მხოლოდ ყველაზე სანდო ადამიანებს მიმართეთ (მთვარის მე-19 დღე).
30 სექტემბერი, ოთხშაბათი გაზარდეთ ფსონები. დაიჭირეთ სარგებელი სწორედ იმ მომენტში, როცა ის ჩნდება და ეცადეთ, მაქსიმალური სარგებელი მიიღოთ არსებული მდგომარეობიდან. თუ საკუთარი ადგილისთვის ბრძოლა მოგიწევთ, თამამად ჩაერთეთ ბრძოლაში. ცვლილებები მათთან მოდის, ვინც თავად მიდის მათ შესახვედრად (მთვარის მე-20 დღე).
1 ოქტომბერი, ხუთშაბათი. სიმართლე გზებს ხსნის. იფიქრეთ საკუთარ სარგებელზე და ნუ მოგერიდებათ საკუთარი პოზიციების დაცვა. მიუხედავად ფეთქებადი პერიოდისა, ცივი გონება დაგეხმარებათ. ვიღაც შესაძლოა შეეცადოს, თქვენი მიღწევები საკუთარ დამსახურებად წარმოაჩინოს, მაგრამ ეს ამაო მცდელობა იქნება. ნებისმიერი ინტრიგა მკაცრ სიმართლეს შეეჯახება და დაინგრევა. საღამოს საინტერესო შეხვედრები გელით (მთვარის 21-ე დღე).
2 ოქტომბერი, პარასკევი. პერსპექტივების დაბრუნება. დღე წარმატებულ ადამიანებსა და მათ, ვინც ავტორიტეტს ეყრდნობა, ხელს უწყობს. გაიმყარეთ საკუთარი პოზიციები, შეადგინეთ გეგმები და გამოიყენეთ ხელსაყრელი მომენტები. კრიტიკული ხედვა შეცდომების თავიდან აცილებაში დაგეხმარებათ. ნუ დაეყრდნობით მარტივად მოსაპოვებელ სარგებელს (მთვარის 22-ე დღე).
3 ოქტომბერი, შაბათი. ყველაფერი თავის დროზე მოდის. დღე არჩევანის წინაშე დაგაყენებთ, საკუთარ სურვილებსა და იმას შორის, რაც სხვებს სჭირდებათ. გარემო ფეთქებადი იქნება, ადამიანებს კი თითქოს შეცვლიან. იგნორირება გაუკეთეთ არაადეკვატურ ქცევებს და თქვენს ხაზს მიჰყევით. იყავით ახლოს ოჯახთან და დაეყრდენით საყვარელ ადამიანებს. საღამოს გაუფრთხილდით ფულს და ზედმეტად ნუ დახარჯავთ (მთვარის 23-ე დღე).
4 ოქტომბერი, კვირა ეძებეთ საყრდენი საკუთარ თავში. არასტანდარტული მიდგომები გადაწყვეტილებების პოვნაში დაგეხმარებათ. რთული საკითხების მოგვარებაში მეგობრები და ახლობლები დაგიჭერენ მხარს. კონფლიქტები შეიძლება სრულიად უმნიშვნელო მიზეზით წარმოიშვას, მაგრამ განაგრძეთ საკუთარი გეგმის მიყოლა. იფიქრეთ უფრო ფართოდ და ბედნიერებაც მოვა (მთვარის 24-ე დღე).
ასევე დაგაინტერესებთ:
⭕მარსი ლომშია: იწყება ბრძოლა ლიდერობისთვის, რომელიც 2027 წლის მაისში დასრულდება - რას წერს ასტროლოგი
⭕„ელჭექი, სეტყვა, შტორმი...“ - ცნობილია, როდიდან გაუარესდება ამინდი საქართველოში
