ჟურნალისტი თაკო მელიქიშვილი, რომელიც ბოლო პერიოდში ასტროლოგიით აქტიურად დაინტერესდა და შესაბამისი განათლებაც მიიღო, სოციალურ ქსელში ასტროლოგიურ თემებზე პოსტებსა და ვიდეოებს პერიოდულად უზიარებს საზოგადოებას.
ამჯერად მელიქიშვილი მორიგ პოსტს აქვეყნებს, სადაც 2 დეკემბრის ასტროლოგიურ პროგნოზზე წერს:
„ჰოროსკოპი 2 დეკემბრისთვის
მთვარის დღე – 12/13 მთვარის დღე
მთვარის ფაზა – მზარდი მთვარე კუროში
ვერძი
დღეს პოზიტიურ ენერგიას ასხივებთ, ამიტომ იდეალური დღეა პაემნებისთვის. იყავით უფრო კომუნიკაბელური — შესაძლებელია ახალი მეგობრები ან საინტერესო ადამიანი გამოჩნდეს თქვენს ცხოვრებაში. თუ სარკეში დანახული არ მოგწონთ, დროა ცვლილებები დაიწყოთ. დღე კარგია ასევე ბუნებაში დასვენებისთვის.
კურო
დღეს აჯობებს არ იჩქაროთ და დაელოდოთ სწორ მომენტს. შემოქმედებითად მიუდექით საქმესა და ცხოვრებას — ეს სხვების ყურადღებას მიიპყრობს. თუ პარტნიორის ქცევა არ მოგწონთ, გულწრფელად უთხარით, რაც გაწუხებთ. ნუ ენდობით მხოლოდ სიტყვებს — დააკვირდით მოქმედებებს.
ტყუპები
თქვენ დღეს თითქმის ყველაფერზე შეძლებთ ადამიანების დარწმუნებას. თქვენი არგუმენტები მტკიცე იქნება როგორც სამსახურში, ისე პირად ურთიერთობებში. ეცადეთ გულწრფელად ისაუბროთ. შესაძლოა სიმართლემ ვიღაცას ატკინოს, თუმცა დაინახავთ, რომ ტყუილი გამოსავალი არ არის. დღეს ბევრს იოცნებებთ და გეგმებს შეადგენთ.
კირჩხიბი
ძალიან ნუ ჩაეჭიდებით სურვილებს, რომლებიც ამ ეტაპზე შესაძლოა ვერ შესრულდეს — ამით ენერგიას ფლანგავთ. გაახარეთ ახლობლები პატარა სიურპრიზით: გემრიელი კერძით, საჩუქრით ან ერთად დასვენებით — ყველაფერი, რაც მათ ბედნიერს გახდის.
ლომი
სამუშაო შეიძლება დღეს ჩვეულებრივზე მეტი იყოს. მოსალოდნელია მოულოდნელი მოვლენები და ცვლილებები. კოლეგებთან ან მეგობრებთან შეიძლება გაუგებრობა წარმოიშვას. ვინმე შეიძლება მეტს დაგპირდეთ, ვიდრე რეალურად შეასრულებს. ახალ ნაცნობობაზე ზედმეტ ილუზიებს ნუ ააგებთ.
ქალწული
დღეს გააცნობიერებთ, რომ ყველაფრის მარტო გაკეთება აუცილებელი არ არის. ითხოვეთ დახმარება და გადაანაწილეთ საქმეები. შესაძლოა ვიღაცამ ან ერთმა მოვლენამ შთაგაგონოთ მოქმედებისთვის. ზოგიერთი ქალწული დაიწყებს მოგზაურობის დაგეგმვას. ყურადღება მიაქციეთ კვებას.
სასწორი
ენერგია გეყოფათ როგორც ურთიერთობებისთვის, ისე მიმდინარე საქმეებისთვის. თუმცა თავი შეიკავეთ აგრესიისა და კონფლიქტებისგან. შესაძლებელია საუბარში გაუგებრობა — ერთს გეუბნებიან და სხვანაირად იგებთ. დღეს სჯობს ხელმძღვანელობას არ შეხვდეთ.
მორიელი
კარგი დღე მათთვის, ვინც სახლიდან მუშაობს — ბევრი შთაგონება და პროდუქტიულობაა. დაკავდით სპორტით ან ფიზიკური აქტივობით. მოსალოდნელია მოულოდნელი ზარები ან სტუმრობა. შესაძლოა ტექნიკა გაფუჭდეს. ყიდვებისთვის არახელსაყრელი დღეა.
მშვილდოსანი
ეცადეთ იყოთ პოზიტიური და გაამხნეოთ ახლობელი. მოსალოდნელია ცვლილებები ყოველდღიურ ცხოვრებაში. კარგი დღეა ნაცნობობებისთვის, პაემნებისთვისა და ურთიერთობისთვის. ნუ დარჩებით სახლში — გზაში საინტერესო და მოულოდნელი რამ შეიძლება მოხდეს. ტექნიკის შეძენას თუ გეგმავდით, დროა არჩევა დაიწყოთ.
თხის რქა
ნუ მისცემთ სხვებს საშუალებას, რამეზე დაგაძალონ. თქვენ უკეთ იცით, რა გინდათ და რა არის თქვენთვის კარგი — დარჩით საკუთარ პოზიციაზე. ესაუბრეთ საუკეთესო მეგობარს თქვენს პრობლემებზე — ის გაგიგებთ და კარგ რჩევას მოგცემთ. შეცვალეთ კვების რეჟიმი: მეტი ბოსტნეული და ნაკლები მარილი.
მერწყული
დაისვენეთ და დაალაგეთ ფიქრები. მეგობრებთან შეხვედრაზე უარი არ თქვათ. თუ ცვლილებები გინდათ საკუთარ თავში, კარგად გაიაზრეთ, რისი შეცვლა გჭირდებათ. ყველაფერს ერთდროულად ნუ მოჰკიდებთ ხელს. ვინმემ შესაძლოა შენიშვნა გაგიკეთოთ გარეგნობაზე ან შეხედულებებზე — ნუ მიიღებთ გულთან ახლოს.
თევზები
თქვენ ჭკვიანი და ნიჭიერი ხართ — არ შეგეშინდეთ ამის გამოჩენა. ხელმძღვანელი დააფასებს თქვენს შრომისმოყვარეობას, ამიტომ კოლეგებს ყურადღება არ მიაქციოთ. გააკეთეთ შესვენებები, რომ ენერგია შეინარჩუნოთ. ვიღაცამ შეიძლება დაპირება ვერ შეასრულოს. მეგობართან საუბარი შთაგაგონებთ ქმედებებისკენ“, - წერს თაკო მელიქიშვილი.
⭕ ასევე დაგაინტერესებთ:
🎥 ვის ჰქონდა მორგებული დელფინის ნიღაბი - მეგაშოუს „ვინ ვინ არის“ მე-5 სეზონის მეოთხე ეპიზოდი შედგა
