30 წლის განმავლობაში პირველად, 1-ელ ოქტომბერს გაეროს მისია მთიან ყარაბაღში ჩავიდა.
ამის შესახებ ინფორმაციას აზერბაიჯანული საინფორმაციო სააგენტო APA ავრცელებს.
მედიის ცნობით, ამ მისიის მთავარი მიზანი ადგილობრივი მოსახლეობის ჰუმანიტარული საჭიროებების შეფასებაა.
ცნობისთვის, ერევნის ბოლო მონაცემებით სომხეთში ყარაბაღიდან 100 ათასზე მეტი ლტოლვილი ჩავიდა, რაც მოსახლეობის დაახლოებით 85%-ს შეადგენს. ბოლო 24 საათის განმავლობაში რეგიონიდან გასვლის ინტენსივობა შემცირდა.
სომხეთმა აზერბაიჯანის წინააღმდეგ მართლმსაჯულების საერთაშორისო სასამართლოში რასობრივი დისკრიმინაციის ყველა ფორმის აღმოფხვრის შესახებ სარჩელი შეიტანა, სადაც ბაქოს მთიან ყარაბაღში სომხების უფლებების დარღვევაში სდებს ბრალს.
ბაქომ სარჩელს უსაფუძვლო და აბსურდული უწოდა.
მანამდე აზერბაიჯანის პრეზიდენტის სპეციალურმა წარმომადგენელმა განაცხადა, რომ სომხები ყარაბაღს მხოლოდ საკუთარი არჩევანით ტოვებენ და სურვილის შემთხვევაში შეუძლიათ დაბრუნდნენ.
BMT-nin missiyası Qarabağa gəlib
— APA İnformasiya Agentliyi (@APA_agentliyi) October 1, 2023
APA-nın Qarabağ müxbiri xəbər verir ki, missiyanın üzvləri bu gün səhər saatlarında Ağdamdan keçərək, Əsgəran-Xankəndi istiqamətində hərəkət edib.#QARABAĞ #AZƏRBAYCAN #Xankəndi #bmt pic.twitter.com/o0RTm354f4
აგრეთვე დაგაინტერესებთ:
🔵 სააკაშვილი: ყველა დაინახავს ჩემს აქტიურ ქმედებებს უახლოეს კვირებში და თვეებში
