ინდოეთის შტატ გუჯარათში მცხოვრებმა კაცმა გველი, რომელსაც დენმა დაარტყა სიკვდილს გადაარჩინა. სავარაუდოდ, ქვეწარმავალი ელექტრობოძზე ასვლის დროს ელექტროგადამცემ ხაზს შეეხო და დენის დარტყმის შედეგად, დაახლოებით 4,5 მეტრის სიმაღლიდან გადმოვარდა.
ახლომახლო მომუშავე ადამიანებს დაშავებული ქვეწარმავალი შეეცოდათ და ადგილობრივ მაშველს, მუკეშ ვაიადს დაურეკეს, რომელიც შემთხვევის ადგილთან ახლოს ცხოვრობდა.
როდესაც ვაიადი მიხვდა, რომ მის წინაშე უწყინარი, უშხამო სახეობის გველია, გულის არეში მასაჟი და ხელოვნური სუნთქვა ჩაუტარა. ნახევარსაათიანი უწყვეტი ძალისხმევის შემდეგ, გველი გონს მოეგო და ბუჩქებში შეძვრა - იუწყება The Indian Express.
მუკეშ ვაიადის თქმით, სამაშველო სამუშაოებს დაახლოებით 10 წელია ასრულებს და სპეციალიზებული ტრენინგიც გავლილი აქვს. მან აღნიშნა, რომ პროფესიონალები ქვეწარმავლებთან პირდაპირი კონტაქტის თავიდან ასაცილებლად სპეციალურ მილებს იყენებენ, ამიტომ არაპროფესიონალების მიერ მსგავსი პროცედურის ჩატარება საფრთხის შემცველია.
⭕ ასევე დაგაინტერესებთ:
⭕„შეიტანეთ თქვენს ყოველდღიურობაში მეტი ცეცხლის ელემენტი...“ - ქეთი ოდიშელი მზის მერწყულში გადასვლაზე
წყარო: funtime.ge
