კეტი პერი, რომელიც ცოტა ხნის წინ თავის პარტნიორ ორლანდო ბლუმს დაშორდა, კანადის ყოფილ პრემიერ-მინისტრთან, ჯასტინ ტრიუდოსთან სავარაუდო პაემანზე შენიშნეს.
პაპარაცებმა ცოტა ხნის წინ, შენიშნეს, რომ მონრეალის ერთ-ერთი ძვირად ღირებულ რესტორანში 40 წლის მომღერალი კეტი პერი და 53 წლის კანადის ყოფილი პრემიერ-მინისტრი ჯასტინ ტრიუდო ერთად ვახშმობდნენ.
წყაროს მიხედვით, ისინი საუბრობდნენ და მიირთმევდნენ კოქტეილებს.
მეორე დღეს ტრიუდო პერის კონცერტზეც შენიშნეს მონრეალში, სადაც ის დარბაზში ენთუზიაზმით მღეროდა მომღერლის ერთ-ერთ ჰიტს - Firework.
ამ ეტაპზე უცნობია, რამდენად სერიოზულია კეტი პერისა და ჯასტინ ტრიუდოს ურთიერთობა, თუმცა მათმა ერთობლივმა შეხვედრამ ბევრი კითხვა და გააჩინა. თუმცა ცხადია, რომ ეს კადრები ახალი რომანტიკული სპეკულაციების საგანი გახდა, რაზეც ოფიციალური კომენტარი არც ერთ მხარეს ჯერ არ გაუკეთებია.
ცნობისთვის, კეტი პერი და ორლანდო ბლუმი ერთმანეთს სავარაუდოდ წლის დასაწყისში დაშორდნენ, თუმცა დაშორება ოფიციალურად ცოტა ხნის წინ დაადასტურეს. წყვილმა მეგობრული ურთიერთობა შეინარჩუნა და საერთო ქალიშვილ დეიზისთან ერთად დროსაც პერიოდულად ატარებენ.
ჯასტინ ტრიუდო კი 2023 წელს დაშორდა მეუღლეს, სოფი გრეის, რომელთანაც მას სამი შვილი ჰყავთ. განქორწინების შემდეგ პოლიტიკოსის პირადი ცხოვრების შესახებ თითქმის არაფერი გახმაურებულა.
⭕ ასევე დაგაინტერესებთ:
⭕ „რა ლამაზია...“ - შორენა ბეგაშვილის ამერიკული ვოიაჟი გრძელდება
⭕„უნახავი სიზმრები წუხელ...გახელილ თვალებს ზურგს უკაწრავენ...“ - რას წერს გიორგი კეკელიძე
