2026 წლის პირველი აპრილი სამუდამოდ ჩაიწერება ისტორიაში — წლების განმავლობაში გულმოდგინე მზადებისა და ტესტირების შემდეგ NASA-მ ასტრონავტები მთვარისკენ გაუშვა; ისინი სპეციალური კაფსულით რამდენიმე დღის განმავლობაში იმოძრავებენ დედამიწის ბუნებრივი თანამგზავრის გარშემო.
მისია Artemis II პირველია 1972 წელს პროგრამა „აპოლოს“ დასრულების შემდეგ, როდესაც ადამიანები მთვარეზე კვლავ ბრუნდებიან — უდიდესი ნაბიჯი საბოლოო მიზნისკენ, რომ ადამიანმა კვლავ დადგას ფეხი მთვარის ზედაპირზე. ოთხი ასტრონავტი ასევე დაამყარებს ახალ რეკორდს — გაემგზავრებიან დედამიწიდან იმაზე შორს, ვიდრე ოდესმე ყოფილა ადამიანი.
მისიის წევრები არიან: მეთაური რიდ უაისმენი, პილოტი ვიქტორ გლოვერი და მისიის სპეციალისტები — კრისტინა კოხი და ჯერემი ჰანსენი. მისია ათდღიანია და ასტრონავტები კაფსულა „ორიონით“ იმოძრავებენ მთვარის გარშემო. ეს იქნება პირველი შემთხვევა „აპოლოს“ პროგრამის ეპოქის შემდეგ, როცა ადამიანი დედამიწის დაბალ ორბიტას კვლავ გასცდება.
კოსმოსური ხომალდი ორი დღის განმავლობაში დედამიწის ორბიტაზე იმოძრავებს, შემდეგ კი მთვარისკენ გაეშურება. ამ ორი დღის განმავლობაში ეკიპაჟი დატესტავს სიცოცხლისთვის აუცილებელ სისტემებს, ასევე განახორციელებენ ძველ კოსმოსურ ხომალდთან შეპირაპირებას კაფსულა „ორიონის“ ხელით მართვის გზით. ამის შემდეგ რვა დღის განმავლობაში ისინი მთვარის გარშემო იფრენენ.
⭕ ასევე დაგაინტერესებთ:
🎥 რატომ არის მნიშვნელოვანი ფიზიკური დატვირთვა ინსულტის შემდგომი რეაბილიტაციისათვის - ექიმის რჩევები
⭕გიორგი გულიაშვილმა ესპანეთში მესამე გოლი გაიტანა და მატჩის საუკეთესო მოთამაშე გახდა
წყარო: 1tv.ge
