„რუსეთის პრეზიდენტმა ვლადიმერ პუტინმა არაერთხელ გაუსვა ხაზი თავის მზაობას უკრაინის საკითხზე მოლაპარაკებებთან დაკავშირებით“, - ასეთი კომენტარი გააკეთა პუტინის პრესსპიკერმა დმიტრი პესკოვმა ბრიფინგზე სააგენტო Reuters-ის მიერ გავრცელებულ ინფორმაციაზე, რომელიც უკრაინის საკითხებზე პუტინსა და აშშ-ის მომავალ პრეზიდენტ დონალდ ტრამპს შორის შესაძლო კონტაქტებს ეხებოდა.
„პრეზიდენტი მუდმივად აღნიშნავს, რომ მზად არის კონტაქტებისთვის და მოლაპარაკებებისთვის“, - აღნიშნა კრემლის წარმომადგენელმა.
როგორც რუსული მედია წერს, ვლადიმერ პუტინმა არაერთხელ გამოთქვა მზადყოფნა, რომ მოსკოვმა მოლაპარაკებები გამართოს უკრაინის საკითხზე. კერძოდ, პუტინი მიიჩნევს, რომ შეთანხმება უნდა ეფუძნებოდეს 2022 წლის მარტში სტამბოლის მოლაპარაკებისთვის მომზადებულ დოკუმენტს, რომელიც მოიცავდა უკრაინის მიერ ვალდებულების აღებას, რომ გახდებოდა ნეიტრალური, „უბლოკო“ სტატუსის ქვეყანა და უარს იტყოდა თავის ტერიტორიაზე უცხოური შეიარაღების, მათ შორის, ბირთვული შეიარაღების განთავსებაზე.
⭕ ასევე დაგაინტერესებთ:
