Snoop Dogg-ი პარიზში 2024 წლის ოლიმპიური თამაშების გახსნის დღეს, ოლიმპიური ჩირაღდნის ესტაფეტაში მიიღებს მონაწილეობას. ამის შესახებ The Guardian-ი წერს.
26 ივლისს რეპერი ჩირაღდანს გახსნის ცერემონიამდე, პარიზის ჩრდილოეთით, სენ-დენიში გაატარებს, სადაც ოლიმპიური სოფლის ნაწილი, სტადიონი „სტად დე ფრანსი“ და ახალი ოლიმპიური ცენტრი მდებარეობს.
ამასთან, Snoop-ი პარიზში ამერიკული ტელეკომპანია NBC-ს სპეციალური კორესპონდენტის სტატუსში დარჩება. რეპერი დაესწრება სხვადასხვა შეჯიბრებას, გაესაუბრება სპორტსმენებს და მათ ახლობლებს.
ამასთან იგი პარიზის ღირსშესანიშნაობებსაც დაათვალიერებს.
ზაფხულის ოლიმპიური თამაშების გახსნის ცერემონია პარიზში ხვალ გაიმართება.
⭕ ასევე დაგაინტერესებთ:
⭕25 ივლისი ლეგენდარული ინოლა გურგულიას დაბადების დღეა
⭕25 ივლისს თბილისის უბნების ნაწილს ელექტრომომარაგება დროებით შეეზღუდება
