უნგრეთის პრემიერ-მინისტრი ვიქტორ ორბანი მოსკოვში ჩავიდა. აღნიშნულ ინფორმაციას რუსული მედია ორბანის პრესმდივანზე დაყრდნობით ავრცელებს.
„სამშვიდობო მისიის ფარგლებში, პრემიერ მინისტრი ვიქტორ ორბანი მოსკოვში ჩავიდა. მთავრობის მეთაური შეხვდება პრეზიდენტ ვლადიმერ პუტინს“, - აღნიშნულია ინფორმაციაში.
კრემლის ლიდერის პრესმდივანმა, დმიტრი პესკოვმა თქვა, რომ პუტინს 5 ივლისს დატვირთული სამუშაო გრაფიკი ექნება. ამასთან, კრემლის წარმომადგენელმა ორბანთან შესაძლო შეხვედრის შესახებ კითხვაზე პასუხი არ გასცა.
შეგახსენებთ, მანამდე კი, ვიქტორ ორბანი კიევში იმყოფებოდა, სადაც უკრაინის პრეზიდენტს, ვოლოდიმირ ზელენსკის შეხვდა.
აგრეთვე დაგაინტერესებთ:
🎥 „ეს არის ერთ-ერთი ყველაზე რთული დღე“ - 5 ივლისის ასტროლოგიური პროგნოზი ზოდიაქოს ნიშნებისთვის
