ჯდომის ძალიან ბევრი მანერა არსებობს, მაგრამ უმეტესობა ადამიანებისა ფეხი ფეხზე გადადებული ზის, რადგან ერთ-ერთი ყველაზე კომფორტული პოზაა, თუმცა არა სასარგებლო, რადგან ეს არ არის ფიზიოლოგიური. ამ დროს არასწორი დატვირთვა მიდის წელის, ბარძაყის და დუნდულების სეგმენტზე.
ორსულობის შემთხვევაში, არ არსებობს ჯდომის ისეთი მანერა, რაც ნაყოფს ვნებს. შესაძლოა თუ არა ფეხი ფეხზე გადადებამ წნევის მატება გამოიწვიოს? - აღნიშნულ საკითხზე გადაცემაში „ნამდვილი ექიმები“ ისაუბრეს.
„კვლევების მიხედვით, როცა ფეხი ფეხზეა გადადებული, წნევა იმატებს, ამიტომ წნევის გაზომვის დროს ცვლილება იქნება.
ჯდომის მანერით ვარიკოზულ დაავადებებს ვერ დაიმართებთ, თუმცა მაპროვოცირებელი ნამდვილად არის“, - ამბობს ექიმი.
აგრეთვე დაგაინტერესებთ:
🎥 5 ნოემბერს წითურების დღეს აღნიშნავენ - საინტერესო ფაქტები ჟღალ ადამიანებზე
