ნებისმიერი საწერი მოწყობილობა, რომელიც არ არის ელექტრონული და ვიყენებთ ფურცელს, გულისხმობს ხელით წერას. როდესაც ვიყენებთ პლანშეტს, კლავიატურას, ტელეფონს - ეს არის ბეჭდვა.
არსებობს კვლევები, რის მიხედვითაც უმჯობესია ხელით წერა. რაზე მოქმედებს, როგორ მიმდინარეობს ეს პროცესი, რომ ჩვენი მეხსიერება გაუმჯობესდეს, ამ თემაზე გადაცემაში „დილა მშვიდობისა საქართველო“ ისაუბრეს.
მარსელში, ნეირომეცნიერების ინსტიტუტის მიერ ჩატარებულ კვლევის შედეგები ასეთია: ხელით წერა კლავიატურის გამოყენების ნაცვლად, აუმჯობესებს სწავლის ხარისხს და მეხსიერებას. ასოების ყურადღებით ფორმირება აუმჯობესებს დასწავლის პროცესს.
„ადამიანის მოტორული სფერო ორ ნაწილად იყოფა, დიდი და მცირე ნატიფი მოტორიკა. ნატიფი მოტორიკის განვითარება საკმაოდ რთულად და ნელა ხდება. რა შუაშია ამის განვითარებასთან ხელით წერა? როცა ადამიანი წერს, აქტიურდება მოტორიკის ცენტრი გონებაში, რაც მეტყველების, ნებისყოფის, წერა-კითხვის ცენტრებს აუმჯობესებს, ააქტიურებს. დღესდღეობით, სამეტყველო დარღვევების შემთხვევაში, ვიწყებთ ხელის მოტორიკის განვითარებას“, - ამბობს თამარ ადამია ფსიქოლოგი და მასწავლებელი.
აგრეთვე დაგაინტერესებთ:
🎥 მითია თუ რეალობა, რომ ახალგაზრდა ასაკში გაჩენილი ჭაღარა სუსტი ნერვული სისტემის ბრალია?
