„როგორ გაჯერებს მანიპულატორი კაცი, რომ ყველაფერში დამნაშავე შენ ხარ?“, - აღნიშნულ საკითხზე პოსტს ფსიქოლოგი გიორგი რაზმაძე გვიზიარებს:
„• როცა შენს მიმართ ცივდება ან დისტანციას იჭერს, ისე იქცევა, თითქოს ამის მიზეზი შენი „ცუდი ხასიათი“ ან საქციელია – და შენ იწყებ საკუთარი თავის შეცვლას მის დასაკმაყოფილებლად.
• კამათის დროს საუბარს ყოველთვის ისე აბრუნებს, რომ თავდაპირველი პრობლემა ქრება და ბოლოს მხოლოდ შენს „შეცდომებზე“ საუბრობთ.
• როცა შენს საზღვრებს იცავ, ამას ცუდ დამოკიდებულებად წარმოაჩენს – თითქოს „კარგი პარტნიორი“ ყველაფერს უნდა ითმენდეს.
• როცა რამეს გაწყენინებს, ცდილობს დაგაჯეროს, რომ შენი რეაქციაა პრობლემა და არა ის, რამაც ეს რეაქცია გამოიწვია.
• ყველაზე საშიში კი ის არის, რომ დროთა განმავლობაში აღარ ეკითხები საკუთარ თავს: „რატომ მომექცა ასე?“ – იწყებ ფიქრს: „იქნებ მართლა ყველაფერი ჩემი ბრალია?“.
მანიპულაციის ყველაზე საშიში შედეგი ის არ არის, რომ მის სიტყვებს იჯერებ – არამედ ის, რომ ნელ-ნელა საკუთარ რეალობაში ეჭვი შეგაქვს“, - წერს გიორგი რაზმაძე.
⭕ ასევე დაგაინტერესებთ:
⭕ „თუ სულ გასცემ და არაფერს იტოვებ საკუთარი თავისთვის, დაცარიელდები...“ - რას წერს ეზოტერიკოსი
⭕ „საკუთარ თავზე მხოლოდ კარგი ილაპარაკეთ...“ - 15 სექტემბრის ენერგიები
⭕ „სიცივე პირდაპირ არასდროს არ იწვევს გაციებას...“ - ლევან შელეგია ვირუსების შესახებ
