თავის ტკივილი ძალიან გავრცელებული სამედიცინო პრობლემაა, რომელიც განსაკუთრებულ დისკომფორტს იწვევს, ხელს გვიშლის მუშაობაში და ყოველდღიური საქმიანობის შესრულებაში.
თავის ტკივილის უამრავი სახეობა არსებობს: ტკივილი თავის ცალ ან ორივე მხარეს, იზოლირებული და გავრცობილი, მწვავე, მოპულსირე და ყრუ, თანდათანობით განვითარებული და უეცარი, მალე (ერთ საათზე ნაკლებ ხანში) გადავლილი და რამდენიმე დღის განმავლობაში მიმდინარე.
ექიმი კოტე თოდუა „იუთუბის“ არხზე საზოგადოებას სასარგებლო რჩევებს პერიოდულად უზიარებს. მედიკოსს 68 ათასზე მეტი გამომწერი ჰყავს, მის რჩევებს ათასობით ნახვა და კომენტარები აქვს.
ამჯერად იგი ახალ ვიდეოს აქვეყნებს, სადაც თავის ტკივილის მკურნალობის შესახებ საუბრობს და საზოგადოებას საინტერესო ინფორმაციას უზიარებს.
მისი თქმით, ყოველ მეორე ადამიანს აქვს თავის რეგულარი ტკივილი და ამ ტკივილების 95%-ი ან დაძაბვის ტკივილია, ან შაკიკის.
„დაძაბვის თავის ტკივილი უფრო ხშირია, ვიდრე შაკიკის.
როგორ გავარჩიოთ ეს ორი ტკივილი ერთმანეთისგან?
დაძაბვის ტკივილი - ასეთ დროს ადამიანს ჰგონია, რომ რაღაც აწვება თავზე და შემოჭერის შეგრძნება აქვს. ასევე, შეიძლება, კისრის კუნთები იყოს დაძაბული და ადამიანს თავის ორივე მხარე სტკივა.
ეს ტკივილი შეიძლება იყოს ყრუ ტკივილი, რაც მთელი დღის განმავლობაშია.
შაკიკის ტკივილი - ამ დროს ტკივილი არის პულსირებადი, გაქვთ შეგრძნება, რომ თავი გისკდება. ეს ტკივილი თუ ძლიერია, ამან შეიძლება, რომ ადამიანი ჩააგდოს დისფუნქციურ მდგომარეობაში და ვერაფერი გააკეთოს. ტკივილის ძირითადი ხანგრძლივობა 4 საათიდან - 3 დღემდეა.
შაკიკს დაძაბვის თავის ტკივილისგან განსხვავებით ახასიათებს გულისრევა, დაძაბულობა, თავბრუდახვევა ყურების და თვალების მგრძნობიარობა“, - ამბობს კოტე თოდუა.
ვრცლად ნახეთ ვიდეო 👇
⭕ ასევე დაგაინტერესებთ:
⭕აუზი, დაისი და წითელი საცურაო კოსტიუმი - ბაბი კირკიტაძის ცეცხლოვანი ზაფხული
