ფსიქოლოგი, სწავლებისა და განვითარების მენეჯერი და სერტიფიცირებული ქოუჩი, ქეთო ჭარელაშვილი სოციალურ ქსელში საინტერესო შინაარსის პოსტს აქვეყნებს, სადაც გვიხსნის, რატომ ვხედავთ სხვებში იმას, რაც ხშირად ჩვენშია:
🌿 რატომ ვხედავთ სხვებში იმას, რაც ხშირად ჩვენშია….
🧠ხშირად გვგონია, რომ ადამიანებს ობიექტურად ვაფასებთ.
ვამბობთ:
🗣️ „ის ძალიან აგრესიულია“.
🗣️ „ის ძალიან ეგოისტია“.
🗣️ „ის ძალიან კეთილია“.
მაგრამ ფსიქოლოგია გვთავაზობს ერთ ძალიან ღრმა იდეას:
👁️ადამიანი ხშირად სხვებში იმას ხედავს, რაც თავად აქვს შიგნით.
ამ მექანიზმს ფსიქოლოგიაში პროექცია ეწოდება.
პროექცია ნიშნავს, რომ ადამიანს საკუთარი:
📌• თვისებები
📌• შიშები
📌• სურვილები
📌• ემოციები ხშირად სრულიად არაცნობიერად სხვებზე გადააქვს და ჰგონია, რომ ეს მათი თვისებაა.
🫂 როგორ ვხედავთ რეალურად სამყაროს? ადამიანი რეალობას სრულად ობიექტურად არასოდეს ხედავს.
ჩვენი გონება ყველაფერს ატარებს გარკვეულ ფილტრებში:
📌• გამოცდილება
📌• ბავშვობის მოგონებები და ტრავმები
📌• ღირებულებები
📌• შიშები
📌• სურვილები
📌• თვითშეფასება
👌ამიტომ როცა ადამიანს ვუყურებთ, რეალურად ვხედავთ არა მხოლოდ იმას, რაც ის არის, არამედ იმასაც, რაც ჩვენს შინაგან სამყაროში ცხოვრობს.
ანუ „ჩვენ სამყაროს არ ვხედავთ ისეთად, როგორიც ის არის, ჩვენ მას ვხედავთ ისეთად, როგორებიც ჩვენ ვართ.“
შინაგანი მდგომარეობის და გამოცდილების მიხედვით.
👌მაგალითად: წარმოიდგინე, ორი ადამიანი სოციალურ ქსელში ხედავს ერთსა და იმავე ფოტოს.
👤 პირველი ამბობს:
🗣️„ეს ადამიანი ძალიან ამაყი ჩანს, ალბათ თავს სხვებზე მაღლა აყენებს.“
👤 მეორე ამბობს:
🗣️„ძალიან თავდაჯერებული და შთამაგონებელი ადამიანი ჩანს“. საინტერესოა ერთი და იგივე ფოტო, მაგრამ ორი სრულიად განსხვავებული შეფასება.
📌რატომ?
იმიტომ, რომ თითოეული ადამიანი მას უყურებს თავისი გამოცდილების, თვითშეფასების და შინაგანი მდგომარეობის მიხედვით. ვინც საკუთარ თავში დაუცველობას გრძნობს, შეიძლება სხვაში ამპარტავნებას ხედავდეს.
👁️ვინც საკუთარ თავში ძალას და თავდაჯერებას აფასებს, იმავე ადამიანს შთამაგონებლად აღიქვამს.
👌ამიტომ ხშირად რეალობა კი არ იცვლება ჩვენი ხედვა იცვლება ამ რეალობის მიღმა.
📌როცა სხვაში რაღაც გვაღიზიანებს,ხშირად გვაღიზიანებს ის თვისება, რომელსაც საკუთარ თავში ვერ ვიღებთ ან ვთრგუნავთ.
👌ფსიქოლოგი Carl Jung ამას „ჩრდილის“ იდეით ხსნიდა. მისი აზრით, თითოეულ ადამიანს აქვს ჩრდილი პიროვნების ის ნაწილი, რომელსაც ვერ ვაღიარებთ ან ვმალავთ.
ეს შეიძლება იყოს:
📌• აგრესია
📌• შური
📌• ძალაუფლების სურვილი
📌• შიში
📌• სისუსტე
📌• ან თუნდაც დიდი პოტენციალი თუ ადამიანი საკუთარ ჩრდილს არ იცნობს, ის ხშირად ამ თვისებებს სხვებში ამჩნევს.
იუნგი ამბობდა:
✨ „თუ ვინმე ძალიან გაღიზიანებს, დაფიქრდი რა ნაწილი გეხმაურება ასე ძლიერ საკუთარ თავში, რომელიც ასაღიარებელი და დასამუშავებელი გაქვს“.
👌როცა სხვაში რაღაც ძალიან მოგვწონს, მეორე მხარესაც საინტერესო რამ ხდება. ხშირად სხვაში გვიზიდავს ის თვისება, რომელიც ჩვენშიც არსებობს, ან გვინდა რომ გვქონდეს.
👌მაგალითად: შეიძლება ძალიან მოგწონდეს ადამიანი, რომელიც:
📌• თავდაჯერებულია
📌• თავისუფლად გამოხატავს აზრს
📌• მშვიდია
📌• ძლიერი ლიდერია
👌ხშირად ეს იმიტომ ხდება, რომ ეს თვისებები შენშიც არსებობს, უბრალოდ ჯერ ბოლომდე არ გაქვს გამოვლენილი და განვითარებული, ამიტომ ადამიანები ხშირად ჩვენი სარკეები არიან, ზოგი ადამიანი გვაჩვენებს ჩვენს ჩრდილს. ზოგი ჩვენს პოტენციალს და სწორედ ამიტომ ზოგჯერ ადამიანი, რომელიც გვხვდება ცხოვრებაში, ჩვენში ძალიან ძლიერ ემოციას იწვევს.
ყველაზე მნიშვნელოვანი იდეა რაც შენში არ არის გაცნობიერებული, ის გარეთ გეჩვენება როგორც სხვების ქცევა ან ბედისწერა და პირიქით: რაც საკუთარ თავში შეიცანი, ის აღარ გაკონტროლებს გარედან.
ძალიან მარტივი ფორმულაა:
👉 თუ ვინმე ძალიან გაღიზიანებს, შეიძლება ის შენს დაუნახავ ნაწილს გაჩვენებს.
👉 თუ ვინმე ძალიან გიზიდავს, შეიძლება ის შენს პოტენციალს აჩვენებს.
🌿 სხვა ადამიანები ხშირად ჩვენი შინაგანი სამყაროს სარკეები არიან.
🗣️ რაც ყველაზე ძლიერ გვიზიდავს ან გვაღიზიანებს მათში, ხშირად ჩვენი საკუთარი, ჯერ კიდევ დაუნახავი ნაწილია და ზოგჯერ სწორედ ამიტომ გვხვდება ცხოვრებაში ადამიანები, რომლებიც გვაიძულებენ დავფიქრდეთ: რას მაჩვენებს ამ ადამიანთან ურთიერთობა ჩემს შინაგან სამყაროზე?
✨ „რაც ყველაზე მეტად გვაღიზიანებს სხვაში, ხშირად ჩვენი საკუთარი ჩრდილის კარიბჭეა“, - წერს ქეთო ჭარელაშვილი.
ასევე დაგაინტერესებთ:
