საზოგადოებრივი ჯანმრთელობის ინსტიტუტის თავმჯდომარე და საერთაშორისო ჯანდაცვის აღიარებული ექსპერტი, WHO-ს ექსპერტი, Relief International-ის მმართველი საბჭოს დირექტორი და გაეროს გენერალური მდივნის ყოფილი მრჩეველი პროფესორი გიორგი ფხაკაძე, რომელსაც აქვს 25 წელზე მეტი გამოცდილება ჯანდაცვის სექტორში, როგორც საქართველოში, ასევე საერთაშორისო დონეზე, სოციალურ ქსელში საზოგადოებას პერიოდულად უზიარებს სასარგებლო რჩევებს.
ამჯერად იგი ახალ პოსტს აქვეყნებს, სადაც ყალბ ბიოდანამატებზე საუბრობს:
„ყალბი დანამატების ქარხანა — „პროტეინი“, „ომეგა-3“ და „Made in USA“ წარწერა, რომელიც სიცოცხლეს საფრთხეს უქმნის.
დღეს ინდოეთის უტარ პრადეშის შტატში პოლიციამ ჩაატარა მასშტაბური რეიდი და გამოავლინა 20,000,000 რუპიის ღირებულების ყალბი ბიოდანამატების სქემა. შემთხვევა კიდევ ერთხელ უსვამს ხაზს, რამდენად საშიშია არალეგალური და დაუდასტურებელი დანამატების წარმოება, რომელიც არა მხოლოდ ჯანმრთელობას, არამედ სიცოცხლესაც საფრთხეს უქმნის.
რა მოხდა?
• პოლიციამ მიიღო ინფორმაცია, რომ მუზაფარნაგარის ხალაპარის რაიონში მდებარე ქარხანაში აქტიურად აწარმოებდნენ ყალბ დანამატებს ცნობილი ბრენდების სახელით.
• რეიდის შედეგად ამოიღეს:
• ათასობით ყალბი პროტეინის ფხვნილი
• ომეგა-3-ის კაფსულები — დაუდგენელი ინგრედიენტებით
• თხევადი ნედლეული, რომლის შემადგენლობა უცნობია
• ყალბი შეფუთვა წარწერებით „Made in USA“, „Japan“, „Russia“ — მომხმარებლის შეცდომაში შესაყვანად
რატომ არის ეს საფრთხე საზოგადოებრივი ჯანმრთელობისთვის?
• უცნობი შემადგენლობა: ასეთ პროდუქტებში შეიძლება იყოს მძიმე მეტალები, ტოქსინები, ბაქტერიები ან სხვა ჯანმრთელობისთვის საშიში ნივთიერებები.
• დოზირების რისკი: ყალბი დანამატები ხშირად შეიცავს ან ძალიან მაღალ, ან საერთოდ არაეფექტურ დოზებს, რაც ანაზღაურებად ზიანს იწვევს.
• ნდობის შერყევა: ასეთი შემთხვევები აზიანებს მთლიანად დანამატების ბაზრის რეპუტაციას და მომხმარებლების ნდობას.
სანამ დანამატს იყიდით — ეს 7 პუნქტი აუცილებლად შეამოწმეთ!
შენი ჯანმრთელობა იწყება ინფორმირებული არჩევანით!
უმეტეს პროდუქტს აქვს ლამაზი რეკლამა, მაგრამ არ აქვს გამჭვირვალე ხარისხის მტკიცებულება. აი, რა უნდა მოითხოვოთ ყოველთვის:
1. COA (Certificate of Analysis) — ლაბორატორიული ანგარიში ინგრედიენტების შემადგენლობაზე და სისუფთავეზე.
2. მესამე მხარის სერტიფიცირება — ავტორიტეტული ლაბორატორიის დამოწმება.
3. წარმოების გამჭვირვალობა — ვინ, სად და როგორ აწარმოებს.
4. ინგრედიენტების სრული ჩამონათვალი ქართულად.
5. ლოგოების ნამდვილობა — ყველა ნიშანზე იყოს ბმული ან QR კოდი, რომლითაც ამოწმებთ ნამდვილობას.
6. ვადის სიზუსტე — წარმოების და ვადის გასვლის თარიღები მკაფიოდ.
7. საქართველოს რეგულაციებთან შესაბამისობა — ოფიციალურად დარეგისტრირებული ან შემოწმებული.
თუ ეს თქვენთვის რთულია — საქართველოს საზოგადოებრივი ჯანდაცვის ინსტიტუტი (PHIG) გააკეთებს ეს შემოწმება თქვენი სახელით.
ჩვენი შეფასება მარტივია:
რეკომენდებულია — ყველა პუნქტი შესრულებულია.
არ არის რეკომენდებული — კრიტერიუმები დარღვეულია ან ინფორმაცია არ არის გამჭვირვალე“, - წერს გიორგი ფხაკაძე.
⭕ ასევე დაგაინტერესებთ:
⭕ „ყველაფერი გიხდება...“ - ლიკა კვარაცხელია წითელ კაბაში პოზირებს
