![მელოტი კაცი მელოტი კაცი](https://digest.ge/uploads/files/2024/07/26/57179/meloti-katsi_w_h.jpeg)
მეცნიერებმა სრულიად შემთხვევით მიაგნეს მემკვიდრეობითი სიმელოტის სამკურნალო საშუალებას. მემკვიდრეობა სიმელოტის ყველაზე გავრცელებული მიზეზია როგორც კაცებში, ისე ქალებში.
ყველაფერი დაიწყო შაქრის კვლევით, რომელიც ორგანიზმში ბუნებრივად წარმოიქმნება და მას დნმ-ის წარმოქმნაში ეხმარება — ეს არის დეოქსირიბონუკლეინმჟავის (დნმ) დეზოქსირიბოზა ნაწილი.
როდესაც სწავლობდნენ, როგორ აშუშებს ჭრილობებს ეს შაქრები თაგვებში ადგილობრივად წასმისას, ბრიტანეთის შეფილდის უნივერსიტეტისა და პაკისტანის COMSATS უნივერსიტეტის მკვლევრებმა შენიშნეს, რომ ჭრილობების გარშემო ბალანი იმაზე სწრაფად გაიზარდა, ვიდრე იმ თაგვებში, რომლებსაც ამ საშუალებით არ მკურნალობდნენ.
მკვლევართა ჯგუფი ამ საკითხით დაინტერესდა და კვლევა გააგრძელეს.
„ჩვენი კვლევა მიუთითებს, რომ თმის ცვენის მკურნალობა ალბათ შესაძლებელი უნდა იყოს უმარტივესად, ბუნებრივი დეზოქსირიბოზა შაქრით, რომელიც თმის ფოლიკულებთან სისხლის მიწოდებას აძლიერებს და თმის ზრდას ახალისებს“, — ამბობს შეფილდის უნივერსიტეტის ქსოვილების ინჟინერი შეილა მაკნილი.
მემკვიდრეობითი სიმელოტე, ანუ ანდროგენური ალოპეცია ბუნებრივი დაავადებაა, რომელსაც განაპირობებს მემკვიდრეობა, ჰორმონების დონე და ასაკი. ამავე დროს, ის სხვადასხვაგვარად არის წარმოდგენილი კაცებსა და ქალებში.
ეს პრობლემა მოსახლეობის დაახლოებით 40 პროცენტს აწუხებს; მიუხედავად ამისა, აშშ-ის სურსათისა და მედიკამენტების ადმინისტრაციას (FDA) ამ დროისთვის მხოლოდ ორი სამკურნალო საშუალება აქვს დამტკიცებული.
მიუხედავად იმისა, რომ მინოქსიდილი ურეცეპტოდ გაიცემა, ის თმის ცვენას ანელებს და გარკვეულწილად ხელს უწყობს ხელახლა ზრდას — ამ პრობლემის მქონე ზოგიერთ ადამიანში საერთოდ არ მოქმედებს.
ვრცლად წაიკითხეთ აქ.
ასევე დაგაინტერესებთ:
🎥 რას გვპირდებიან ვარსკვლავები ზაფხულში - როგორია აგვისტოს ასტროლოგიური პროგნოზი