უცხოური გამოცემის lenta.ru-ს ინფორმაციით, ქართველი ე.წ. კანონიერი ქურდის, 48 წლის დავით გერლიანის, იგივე „დათო სვანის" წინააღმდეგ რუსეთის შსს-მ ახალი საქმე აღძრა. საქმე 210.1 მუხლით აღიძრა, რომელიც „კრიმინალურ იერარქიაში“ მაღალი საფეხურის დაკავებას გულისხმობს.
როგორც უცხოური გამოცემა წერს, „დათო სვანი“ რამდენჯერმეა ნასამართლევი. 1992 წელს სანკტ-პეტერბურგში ის ქურდობის გამო დააკავეს, ხოლო 2001 წელს ციხეში ყაჩაღობის ბრალდებით მოხვდა.
2014 წელს თურქეთში გამართულ შეხვედრაზე დავით გერლიანი ქურდულ სამყაროში მიიღეს.
„კანონიერ ქურდად“ გიგა ვიბლიანმა და მინდია გორაძემ, იგივე „ლავასოღლიმ“ აკურთხეს.
გერლიანი 2011 წელს 75 წლის ცნობილი ქართველი „კრიმინალური ავტორიტეტის“ ვალიკო ჯეჯიას სიძე გახდა, ყველასთვის ცხადი გახდა, რომ გერლიანის „კანონიერი ქურდობა“ უკვე დროის საკითხი იყო. სწორედ ამან ითამაშა მნიშვნელოვანი როლი, მისი ქურდულ სამყაროში მიღებისას.
სოხუმში დაბადებული „დათო სვანი“ „კრიმინალურ ავტორიტეტთა“ იმ კატეგორიას მიეკუთნებოდა, რომელიც ზედმიწევნით იცავდა „ქურდულ კოდექსს“, მან ცხოვრების თითქმის ნახევარი, ჯამში ოცი წელი, ციხეში გაატარა.
🔘აგრეთვე დაგაინტერესებთ:
ვინ იყო კანონიერი ქურდი „შმუთი“ და რატომ ამოთხარეს საფლავიდან
როგორ გამოიყურება ქართველი „კანონიერი ქურდების“ საფლავები - ფოტოები
