13 ივლისს გორში ტრაგედია დატრიალდა. ავტოსაგზაო შემთხვევას დედა-შვილის სიცოცხლე ემსხვერპლა.
ცნობილი გახდა იმ პირის ვინაობაც, რომელმაც დედა-შვილის სიცოცხლე იმსხვერპლა - იგი რეზო ელიზბარაშვილია. ელიზბარაშვილი შემთხვევიდან რამდენიმე საათში დააკავეს.
რეზო ელიზბარაშვილს პროკურატურამ ბრალდება უკვე წარუდგინა. უწყების მიერ გავრცელებულ ინფორმაციაში ვკითხულობთ რომ იგი ალკოჰოლური თრობის ქვეშ იმყოფებოდა:
„საქართველოს პროკურატურამ ალკოჰოლის ზემოქმედების ქვეშ მყოფ დაკავებულ მძღოლს, ავტომობილის მოძრაობის უსაფრთხოების წესების დარღვევის ფაქტზე, რამაც ორი ადამიანის სიცოცხლის მოსპობა გამოიწვია, ბრალდება წარუდგინა.
საქართველოს შინაგან საქმეთა სამინისტროს მიერ ჩატარებული გამოძიებით დადგინდა, რომ 2026 წლის 13 ივლისს, ღამის საათებში, გორში ბრალდებულმა, რომელიც ალკოჰოლის ზემოქმედების ქვეშ მართავდა ავტომობილს, მოძრაობის უსაფრთხოების წესები დაარღვია და ქვეითად მოძრავ დედა-შვილს შეეჯახა. ავტოსაგზაო შემთხვევის შედეგად ორივე დაშავებული კლინიკაში გარდაიცვალა.
დაკავებულს ბრალდება საქართველოს სისხლის სამართლის კოდექსის 276-ე მუხლის მე-9 ნაწილით (ალკოჰოლის ზემოქმედების ქვეშ, ავტომობილის მოძრაობის უსაფრთხოების წესის დარღვევა, რამაც ორი ადამიანის სიცოცხლის მოსპობა გამოიწვია) წარედგინა, რას სასჯელის სახედ და ზომად 12 წლამდე თავისუფლების აღკვეთას ითვალისწინებს.
პროკურატურამ ბრალდებულისთვის აღკვეთის ღონისძიებად პატიმრობის გამოყენების შუამდგომლობით, სასამართლოს უკვე მიმართ“,- აღნიშნულია უწყების მიერ გავრცელებულ ინფორმაციაში.
⭕ ასევე დაგაინტერესებთ:
🎥 „ჩემი მთავარი ადგილი, სადაც ნამდვილად ვისვენებ არის ქუთაისი...“ - გიორგი გაბუნია
⭕ „ლამაზი და მიმზიდველი ხარ“ - რა კადრებს აქვეყნებს ალექსანდრა პაიჭაძე ბათუმიდან
⭕ „ადამიანმა არ შეიძლება ცხოველივით გაიმართლოს თავი“ - რას ამბობს დეკანოზი თეოდორე გიგნაძე
