გიორგი ყავლაშვილი ჩემპიონთა ლიგის მესამე საკვალიფიკაციო ეტაპზე „როიალ უნიონის“ განაცხადში მოხვდა – ბელგიურმა გუნდმა შინ გასული სეზონის აღმოჩენას, „ბოდო გლიმტს“ უმასპინძლა და მატჩი 3:3 დაასრულა.
19 წლის ქართველი მეკარე ნორვეგიელებთან განაცხადში მოხვდა, მაგრამ არ უთამაშია. ყავლაშვილი ბელგიაში იზრდებოდა და „ვესტერლოსა“ და „ანტვერპენის“ ახალგაზრდულ გუნდებში თამაშობდა. „როიალ უნიონში“ თავისუფალი აგენტის სტატუსით 2024 წლის ზაფხულში გადავიდა და 19-წლამდელებში ახალგაზრდულ ჩემპიონთა ლიგაზე 6 მატჩი ჩაატარა.
შარშან ზაფხულში გიორგიმ პირველი პროფესიული ხელშეკრულება სწორედ „როიალ უნიონთან“ გააფორმა. ყავლაშვილის კონტრაქტი 2028 წლამდეა გათვლილი – ის თავიდან გუნდის მეოთხე მეკარე იყო. მაგრამ შარშან რამდენჯერმე მოხვდა გუნდის განაცხადში, ახლა კი მესამე მეკარე გახდა.
ქართველი ემიგრანტების ოჯახში გაზრდილი გიორგი ყავლაშვილი ბელგიაში დაიბადა. უთამაშია საქართველოს 17-წლამდელების ნაკრებში, მერე კი 19-წლამდელთა გუნდის წევრი იყო.
⭕ ასევე დაგაინტერესებთ:
⭕ „გული გახსენით ახალი შესაძლებლობებისთვის“ - 5 აგვისტოს ენერგიები
წყარო: 1tv.ge
