მილანსა და კორტინაში მიმდინარე ზამთრის ოლიმპიურ თამაშებზე ფიგურულ ციგურაობაში გუნდური ასპარეზობა მიმდინარეობს.
მოკლე პროგრამაში საქართველო ლუკა ბერულავასა და ანასტასია მეტელკინას წყვილმა წარადგინა. მათი გამოსვლა 77.54 ქულით შეფასდა და 9 გუნდური ქულით მეორე ადგილზე არიან.
რიტმულ ცეკვებში იასპარეზა დიანა დევისისა და გლებ სმოლკინის წყვილვა. მათ საქართველოს 5 ქულა შესძინეს. საერთო ჯამში, ორი დისციპლინის შემდეგ, საქართველოს 14 ქულა აქვს და მესამე პოზიციაზეა.
მოგვიანებით მოკლე პროგრამით იასპარეზებს ანასტასია გუბანოვა, ხოლო 7 თებერვალს ნიკა ეგაძე გამოვა.
ფიგურული ციგურაობის გუნდურ შეჯიბრებაზე 10 ქვეყანა გამოდის. ოთხი გამოსვლის ჯამში ფინალში საუკეთესო შედეგის მქონე ხუთი გუნდი გადავა და მედლებისთვის გააგრძელებს ბრძოლას.
⭕ ასევე დაგაინტერესებთ:
⭕„გერმანიაში მიემგზავრება და უხარია...“ - რა ფოტოს აქვეყნებს სოსო ნებიერიძე
⭕ 6 თებერვალი მიხეილ თუმანიშვილის დაბადების დღეა - დიდი მაესტრო 105 წლის გახდებოდა
წყარო: 1tv.ge
