ავსტრალიაში გასამართი UFC 312-ის წინ ორგანიზაციის ქვემსუბუქი წონის ყოფილმა ჩემპიონმა, ალექსანდერ ვოლკანოვსკიმ „ფოქს სპორტ ავსტრალიასთან“ თავისი სამომავლო გეგმების შესახებ ისაუბრა.
როგორც 36 წლის მებრძოლი აღნიშნავს, მზადაა, ილია თოფურიას შეხვდეს, თუ მსუბუქ წონაში ქართველისა და ისლამ მახაჩევის ბრძოლის ორგანიზება ვერ მოხერხდება.
„არ მინდა, ვინმეს ტიტულისთვის ოცნებაში ხელი შევუშალო. ობიექტურად, თოფურიასთან ბრძოლა მსურს. თუ UFC ისლამ მახაჩევისა და ილია თოფურიას ბრძოლაზე მუშაობს და ეს გამოვა, მაშინ კარგი მათთვის, ხოლო თუ ამის გაკეთება არ შეუძლიათ, დროს ნუ დავკარგავთ და ჩვენი შეხვედრა ჩავნიშნოთ. ამ საკითხს მე ასე ვუყურებ“, – განაცხადა ვოლკანოვსკიმ.
შეგახსენებთ, რომ ალექსანდერ ვოლკანოვსკი ილია თოფურიამ 2024 წლის თებერვალში ნოკაუტით დაამარცხა და ქვემსუბუქი დივიზიონის ჩემპიონის სტატუსი წაართვა. მას შემდეგ ავსტრალიელს ბრძოლა არ ჩაუტარებია.
რაც შეეხება 28 წლის დაუმარცხებელ ქართველ სპორტსმენს, თოფურიამ წონის შეცვლის სურვილი უკვე რამდენჯერმე ღიად გამოხატა.
⭕ ასევე დაგაინტერესებთ:
წყარო: 1tv.ge
