ინფექციონისტი, ჰეპატოლოგი, გასტროენტეროლოგი მაია ზალდასტანიშვილი მედიკოსია მრავალწლიანი საექიმო გამოცდილებით, იგი არაერთი საერთაშორისო სამედიცინო ასოციაციის წევრია.
აუცილებელია თუ არა ორგანიზმისთვის ტემპერატურა და რა ვირუსი ცირკულირებს ახლა? - აღნიშნულ საკითხებზე ექიმმა „გვანცას პოდკასტში“ ისაუბრა:
„თუ ადამიანი ავად არის, აქვს დაავადება, მაგალითად ფილტვების ანთება და არ აქვს სიცხე, არ არის ეს მოცემულობა სასურველი. შეიძლება, რაღაც სერიოზული გართულება გაიპაროს, ისე დამძიმდეს პაციენტი, რომ თავად პაციენტს გამოეპაროს. გარდა ამისა, გარკვეული ტემპერატურა რაღაც პერიოდში ადამიანს სჭირდება. მაღალი ტემპერატურა ებრძვის ამ ვირუსს.
ბავშვებში შესაძლებელია, ძალიან მაღალი ტემპერატურის დროს განვითარდეს კრუნჩხვა და ამის ეშინიათ მშობლებს. თუ მაღალი ტემპერატურა დღეები გრძელდება, რა თქმა უნდა, მისახედია, მაგრამ პირველ ხანებში, როცა ადამიანი ავად არის, აქვს ისეთი დაავადება, რის დროსაც სიცხე აუცილებელია, მაშინ უნდა ჰქონდეს“, - ამბობს მაია ზალდასტანიშვილი.
ასევე დაგაინტერესებთ:
