სიყვარული არის გრძნობა, რომელიც არ ცნობს საზღვრებს და როგორც ამბობენ, ნამდვილი სიყვარული ასაკობრივ შეზღუდვებსაც არ ემორჩილება. სიყვარული ურთიერთგაგება, ზრუნვა, ერთგულება და ჰარმონიაა.
როდესაც მეორე ადამიანის მიმართ გრძნობები ჩნდება მას უკვე აღარ აინტერესებს რიცხვი, რომელიც პასპორტში წერია. იქ, სადაც გულწრფელი სიყვარულია გრძნობებს დრო ვერაფერს აკლებს.
არაერთი მაგალითი არსებობს წყვილების, რომელთა სიყვარულმა ასაკობრივი სხვაობის მიუხედავად წლებს გაუძლო, დროსთან ერთად არათუ განელდა, არამედ გაძლიერდა კიდეც.
გადაცემამ „პრაიმშოუ“ მოიწვია სტუმრები, რომლებმაც ეცადნენ საზოგადოების დარწმუნება იმაში, რომ სიყვარულმა ასაკი არ იცის. მათ შორის იყვნენ გია და ირინა ფარადაშვილები:
„ჩვენს შორის 27 წელია სხვაობა და ციფრებს არანაირი მნიშვნელობა არ აქვს, რადგან ძალიან მიყვარს ჩემი მეუღლე, მასაც ძალიან ვუყვარვარ.
რამდენიმე დღეში 67 წლის ვხდები, ახლაც შემიძლია ავდგე და ჰაერში ვიფრინო, არ ვუყურებ წლებს, ყველას ვეუბნები 36-37 წლის ვარ -მეთქი.
25 წელია ცოლ-ქმარი ვართ“, - ამბობს გია ფარადაშვილი.
ასევე დაგაინტერესებთ:
