საქართველოს პრემიერ-მინისტრის, ირაკლი კობახიძის შვილები, გეგა და ნიკო კობახიძეები სტუმრად გადაცემაში „ნოესთან“ იმყოფებოდნენ, სადაც მამაზე ისაუბრეს:
გეგა კობახიძე: საკმაოდ ხშირად მოვდივართ ხოლმე. როდესაც გვცალია და მამასა არ აქვს რთული გრაფიკი და დატვირთული დღე, ყოველთვის ვცდილობთ, რომ მოვიდეთ ხოლმე. სახლში წასვლას და მოწყენას გვირჩევნია აქ ვიყოთ.
ნიკო კობახიძე: მამა მზრუნველი, კეთილი და შრომისმოყვარეა. იმის მიუხედავად, რომ დრო არ აქვს, მაინც ცდილობს რომ ჩვენთან იყოს. ყველაზე მეტად მასთან ყოფნა ზღვაზე გვიყვარს.
გეგა კობახიძე: ხშირად სპორტზე და პოლიტიკაზე ვსაუბრობთ. ადრე რომ გეკითხათ ჩემთვის ალბათ პოლიტიკოსობაზე უარს ვიტყოდი. დადებითი და უარყოფითი მხარეები აქვს. უარყოფითი მხარე პირველ რიგში დროის არქონაა, ასევე გარკვეული შეხედულებები, რომლებიც ზოგს მოსწონს, ზოგ არა.
ნიკო კობახიძე: ყველაზე ხშირად მამა გვირჩევს, რომ არ ვიჩხუბოთ და წიგნი წავიკითხო.
გეგა კობახიძე: მამა სერიოზულია, ძალიან გახსნილი და გულწრფელია, გარედან ჩანს, რომ სერიოზულია და არასოდეს იცინის, მაგრამ სახლში იცინის, ხუმრობს, ჩვეულებრივი ადამიანია.
