„ქართული ოცნების“ პოლიტიკური საბჭოს, „ხალხის ძალისა“ და საპარლამენტო უმრავლესობის გადაწყვეტილებით, ყოველგვარი დათქმის გარეშე, მათ მიერ მხარდაჭერილი კანონპროექტი ე.წ. აგენტების შესახებ უკან გაიწვიეს.
აღნიშნულ გადაწყვეტილებას, ყოფილი სახალხო დამცველი უჩა ნანუაშვილი სკეპტიკურად უყურებს და სოციალურ ქსელში წერს, რომ იმ განცხადებით, რაც ხელისუფლებამ დღეს გაავრცელა, „ყველაფერი ნათელია“.
ეს კანონის უკან გაწვევა კი არაა, ეს ნიშნავს, მაცალეთ ცოტა ჩაცხრეს პროტესტი და მერე ნახავთო ყველაფერს:
ციტატები განცხადებიდან:
"სიცრუის მანქანამ შეძლო კანონპროექტის უარყოფითად წარმოჩენა", "მიაკრეს რუსული კანონის ყალბი იარლიყი",
"რადიკალურმა ძალებმა შეძლეს ახალგაზრდების ნაწილი კანონსაწინააღმდეგო ქმედებებში ჩაეთრიათ", "მადლობა გმირ სამართალდამცველებს, რომლებმაც ძალადობას მოთმინებითა და უმაღლესი სტანდარტით უპასუხეს",
"ემოციური ფონის ჩაცხრომასთან ერთად, საზოგადოებას უკეთ განვუმარტავთ, თუ რას ემსახურებოდა კანონპროექტი".
"დავიწყებთ შეხვედრებს მოსახლეობასთან და ფართო საზოგადოებას გავაგებინებთ სიმართლეს საკითხის თითოეულ დეტალთან დაკავშირებით"
ყველაფერი ნათელია!“,- წერს ნანუაშვილი.
ასევე დაგაინტერესებთ 👇
🔘„თუ ძალიან გაინტერესებთ, უფრო ადრე მინდოდა ამის დაწერა“ - რას წერს დათო ლიკლიკაძე
