2023 წლის 3 აგვისტოს ონის მუნიციპალიტეტში, კურორტ შოვში მომხდარი სტიქიური უბედურების შედეგად დაღუპულთა ხსოვნის პატივსაცემად 7 აგვისტო გლოვის დღედ გამოცხადდა. საქართველო 24 დაღუპულს გლოვობს. 12 ადამიანს ამ დრომდე ეძებენ, მათ შორის არიან ბავშვები.
სოციალურ ქსელში ჯგუფი „რაჭა“ ერთ-ერთი მაშველის შესახებ ემოციური ამბავი ვრცელდება, რომელსაც უცვლელად გთავაზობთ.
„პოსტი წამოვიღე მეგობრის გვერდიდან რომელიც გუშინ ხეჩინაშვილის კლინიკაში იმყოფებოდა
გაიცანით შოვიდან მაშველი ზურა კალანდაძე.
სასტუმროს მეოთხე სართულიდან გადმოვარდა. სასწრაფოდ ჩამოიყვანეს თბილისში ვერტმფრენით და მოათავსეს საავადმყოფოში.
2 საათი იწვა ხეჩინაშვილის კლინიკაში, ჩაუტარეს და სხვა სამედიცინო პროცედურები, შემდეგ კი პალატა დატოვა და შოვში დაბრუნდა.
დაკარგულებს ვეძებთ და აქ ვერ გავჩერდებიო წარმოუდგენელია, არა? ასეთ გმირებზე დგას სამყარო დღეს და მადლობა მას. (ფოტო ფარულად გადავიღე, წინააღმდეგობა ვერ გავუწიე.)
ღმერთმა დაგლოცოს!
პოსტის ავტორია არაჩვეულებრივი პედაგოგი და ჩემი მედობარი სვეტლანა სინა“,- აღნიშნულია ინფორმაციაში.
ასევე დაგაინტერესებთ:
