საქართველოს კათოლიკოს-პატრიარქის, უწმინდესისა და უნეტარესის, ილია მეორის, მოღვაწეობას იხსენებს რეჟისორი ქეთი დოლიძე „რუსთავი 2-ის“ ეთერში.
მისი თქმით, პატრიარქი ერისთვის იყო ღვთისგან მოვლენილი პიროვნება.
„ღვთის მოვლენილი ადამიანი იყო ჩვენი ერისთვის. მასთან აბსოლუტურად მშვიდდებოდი. არ მახსოვს ოდესმე ხმა აეწიოს ან გაბრაზებულიყო. მე არ ვიცი, ასეთი ვინმე თუ არსებობს საქართველოში - რა თქმა უნდა, არა.
იყო უზარმაზარი პრინციპულობით სავსე ადამიანი. ის არასოდეს გააკეთებდა იმას, რასაც ვინმე უკარნახებდა. იყო ღვთისგან მოვლენილი ჩვენი ერისთვის“, - განაცხადა ქეთი დოლიძემ.
ცნობისთვის, საქართველოს კათოლიკოს-პატრიარქი ილია მეორე 2026 წლის 17 მარტს, 93 წლის ასაკში გარდაიცვალა.
საქართველოს კათოლიკოს-პატრიარქს ილია მეორეს სიონის ტაძარში 22 მარტს დაკრძალავენ.
18 მარტი საქართველოში გლოვის დღედ გამოცხადდა სრულიად საქართველოს კათოლიკოს-პატრიარქის, ილია მეორის გარდაცვალების გამო და გაგრძელდება 22 მარტამდე, მის დაკრძალვამდე.
⭕ ასევე დაგაინტერესებთ:
⭕საქართველოს პატრიარქის პანაშვიდი სამების საკათედრო ტაძარში - ფოტოგალერეა
