კირა ანდრონიკაშვილს ულამაზეს ქართველ ქალთა სიაში თავისი ადგილი აქვს. პროფესიით ხელოვნებათმცოდნემ 20-მდე როლი ითამაშა ქართულ კინოში. მაყურებელს დღემდე ახსოვს მის მიერ განსახიერებული ცირა, ფილმიდან „მე, ბებია, ილიკო და ილარიონი“; ძაბული, ფილმიდან „მთვარის მოტაცება“ და მრავალი სხვა.
კირა ანდრონიკაშვილი ბუნებრივი ქართული სილამაზის მქონე ქალბატონადაა აღიარებული და სხვადასხვა გამოცემა ხშირად ინტერესდება მისი რჩევებით, თუ რა არის საჭირო სილამაზის შესანარჩუნებლად.
კირა გადაცემის „ჩვენი ოჯახი“ სტუმარი იყო, სადაც მან თავის სამოდელო ისტორიაზე ისაუბრა:
„იყო 75 წელი, მოდელების სახლიდან მოდიოდნენ უნივერსიტეტში და გვარჩევდნენ. იწარმოებოდა არაჩვეულებრივი ნაჭრები, ჰოდა ამომარჩიეს. ქალაქ გარეთ იყო გამოფენა - საქართველოს დღეები.
არ გვყავდა მაკიაჟის სპეციალისტები, ტონი იყო ასეთი ბალეტი და იმას ვისვამდით. ნაწარმს ვაჩვენებდი.
იურა მეუბნებოდა ხოლმე, ნუ აჩვენებ შენს თავს, აჩვენე კაბა. განწყობის თეორია ძალიან მეხმარება.
არასდროს მიყვარდა ქალებზე საუბარი. არ მიყვარს გამეორება. 52 წლის იყო დედა რომ წავიდა“, - ამბობს კირა ანდრონიკაშვილი.
აგრეთვე დაგაინტერესებთ:
