ე.წ. ციანიდის საქმეზე დაკავებული დეკანოზ გიორგი მამალაძის ძმა - თორნიკე მამალაძე ფეისბუკის პირად გვერდზე წერს, რომ გიორგი გაათავისუფლეს.
„7-წლიანი ტანჯვისა და ლოდინის შემდეგ ჩემი ძმა დეკანოზი გიორგი თავისუფალია!“, - წერს თორნიკე მამალაძე.
„დაიჯესტი“ გიორგი მამალაძის ერთ-ერთ ნათესავს ესაუბრა, რომელმაც ჩვენთან საუბრისას თქვა, რომ დეკანოზის ჯანმრთელობის მდგომარეობა მძიმეა.
„მძიმედ არის, საწოლსაა მიჯაჭვული. ვფიქრობ, გადარჩება. მოულოდნელი იყო მისი გათავისუფლება“, - ამბობს „დაიჯესტთან“ გიორგი მამალაძის ნათესავი.
ცნობისთვის, დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში ე.წ. ციანიდის საქმეზე დააკავეს. სასამართლომ იგი დამნაშავედ ცნო კათოლიკოს-პატრიარქის მდივან-რეფერენტის, შორენა თეთრუაშვილის მკვლელობის მომზადებასა და იარაღის უკანონოდ შეძენა-შენახვაში და 9 წლით პატიმრობა მიუსაჯა.
აგრეთვე დაგაინტერესებთ:
