ექიმი ციური კახიანი გარდაიცვალა.
სამწუხარო ინფორმაციას სოციალურ ქსელში „სვანეთი ნიუსი“ ავრცელებს და სოციალურ ქსელში სამძიმრის წერილთან ერთად, ექიმის ფოტოს აქვეყნებს:
„ექიმი ციური კახიანი გარდაიცვალა...
ბიოგრაფია:
დაბადების ადგილი: ქ. მესტია.
დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1968 წელს.
1971 წელს დაინიშნა მესტიის რაიონის სოფელ ლახამულის საუბნო საავადმყოფოს მთავარი ექიმის თანამდებობაზე; 1971-1973წწ. სწავლობდა და იმაღლებდა კვალიფიკაციას ქ. თბილისში კლინიკურ ორდინატურაში და ექიმთა დახელოვნების ინსტიტუტში; 1980-1998წწ.
მუშაობდა მესტიის რაიონულ საავადმყოფოში წამყვან გინეკოლოგად;
1994 წელს იგი მუდმივ საცხოვრებლად გარდაბნის რაიონში გადმოვიდა და მუშაობა დაიწყო სოფელ კალინინოს საექიმო ამბულატორიაში ექიმ-გინეკოლოგად;
1997 წელს გადაიყვანეს გარდაბნის რაიონულ სამშობიარო სახლში ექიმ-მეან-გინეკოლოგად და რეპროდუქტიოლოგიური კაბინეტის გამგედ.
მედიცინის დარგში ხანგრძლივი და ნაყოფიერი მუშაობისათვის დაჯილდოებულია ჯანმრთელობის დაცვის ფრიადოსნის ნიშნით.
2011წ. მუშაობს გარდაბნის „ჯეო ჰოსპიტალის“ მრავალპროფილიან სამედიცინო ცენტრში ექიმ-გინეკოლოგად.
ჯანმრთელობის დაცვის ღვაწლმოსილი მუშაკი, გარდაბნის რაიონის საპატიო მოქალაქე, მაღალკვალიფიციური ექიმ გინეკოლოგი“, - წერია სამძიმრის წერილში.
ასევე დაგაინტერესებთ:
