ფრაქცია „ქართული ოცნების“ თავმჯდომარის მოადგილე ლევან მაჭავარიანი მერაბ დვალიშვილს გამარჯვებას ულოცავს.
„პირველ რიგში, მივულოცავ სრულიად საქართველოს ნათლისღების ბრწყინვალე დღესასწაულს. ასევე, უნდა მივულოცოთ მერაბ დვალიშვილის ბრწყინვალე გამარჯვება. მერაბ დვალიშვილმა კიდევ ერთხელ ასახელა საქართველო და ძალიან დიდი მადლობა მას ამისთვის“, - აცხადებს ლევან მაჭავარიანი.
ცნობისთვის, 19 იანვარს მერაბ დვალიშვილმა UFC-ის სუპერმსუბუქი წონის საჩემპიონო ქამარი შეინარჩუნა. კალიფორნიაში გამართულ ღონისძიებაზე ქართველმა მებრძოლმა რუსეთის სახელით გამომსვლელი უმარ ნურმაგომედოვი დაამარცხა.
ბრძოლის პირველ ორ რაუნდში ნურმაგომედოვი უკეთ გამოიყურებოდა, მერაბ დვალიშვილმა კი ტემპს მესამე რაუნდიდან მოუმატა და მეტოქეს შედარებით გაუჭირდა.
მეოთხე რაუნდში დვალიშვილი კიდევ უფრო გააქტიურდა და ნურმაგომედოვი ვერაფრის გაკეთებას ვეღარ ახერხებდა, იგივე გაგრძელდა მეხუთე რაუნდშიც და საბოლოოდ, მსაჯთა ერთსულოვანი გადაწყვეტილებით გამარჯვებულად ქართველი გამოცხადდა.
⭕ ასევე დაგაინტერესებთ:
