ქობულეთში, პეტრას ციხის მიმდებარე ტერიტორიაზე, ავტოსაგზაო შემთხვევა მოხდა.
არსებული ინფორმაციით, საქორწილო კოლონაში მოძრავი ერთ-ერთი ავტომობილი გადაბრუნდა.
შემთხვევის შედეგად ორი ადამიანი დაშავდა. ამ დროისთვის უცნობია, რამდენად მძიმეა მათი ჯანმრთელობის მდგომარეობა.
ავტოსაგზაო შემთხვევის გამომწვევი მიზეზი ჯერჯერობით უცნობია.
როგორც „დაიჯესტთან“ შინაგან საქმეთა სამინისტროში უთხრეს, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
შემთხვევის ზუსტ გარემოებებს სამართალდამცველები ადგენენ.
ინფორმაციას და კადრებს ადგილიდან ფეისბუკგვერდი kobuleTi live ავრცელებს:
⭕ ასევე დაგაინტერესებთ:
⭕Volkswagen-ის ზარალმა 2026 წლის მესამე კვარტალში თითქმის 6 მლრდ ევრო შეადგინა
