შოვში ტრაგიკულად დაღუპულ ზაზა მესხს, მის მეუღლესა და პირველი ქორწინებიდან ერთ შვილს, თბილისში დღეს დაკრძალავენ. დაკარგულთა სიაში ამ დრომდე ზაზა მესხის კიდევ ორი შვილია, რომელთა სამძებრო სამუშაოები გრძელდება. მას პირველი ქორწინებიდან ერთი ქალიშვილი დარჩა.
ცნობისთვის, ონის მუნიციპალიტეტის კურორტ შოვში 3 აგვისტოს მომხდარი სტიქიის შედეგად 31 პირი დაიღუპა, ორი ადამიანი კი ამ დრომდე დაკარგულად ითვლება.
ზაზა მესხის ყოფილი მეუღლე სინტა დეპონტი ემოციურ პოსტს აქვეყნებს და წერს:
„სიმშვიდე და სამძიმარი.
როცა ათასი რამ გაკეთდა, ბევრი აღარ რჩება და არის სივრცე, რომელშიც ადვილია იყო დაკავშირებული და მშვიდად და იცოდე რა უნდა გავაკეთო, რომ კარგად მოვუარო ჩემს თავს და ქალიშვილს.
როდესაც ეკლესიაში ორი კუბო შემოიტანეს, დიდი და ოდნავ პატარა, მაშინ მივხვდი, კარგია, რომ ერთად არიან.
მაშინაც კი, თუ მესამე ჯერ კიდევ დაკარგულია.
როდესაც ლოცვები გრძელდება და შენ წყვეტ სიტყვებს და იწყებ მოსმენას აზრს, ეს სრულიად ახალ სივრცეს ხსნის, სადაც საქმე სიყვარულზეა, ვიდრე წესებზე (და სავსებით კარგია, რომ შავები არ ჩაიცვა).
როცა ამდენი ნაცნობი ადამიანი სამძიმრით მოდის, ეს არის შემწყნარებელი. და ვიცი, რომ ბევრი თქვენგანი დღეს ჩვენთან იყო და ხვალაც იქნება“ - წერს სინტა დეპონტი.
ასევე დაგაინტერესებთ:
„არასოდეს ვიფიქრებდი, რომ ამას დავწერდი…“ - გიორგი მღებრიშვილი სამწუხარო ინფორმაციას ავრცელებს
