„პირველი საუნივერსიტეტო კლინიკის“ დირექტორის, ექიმ ლევან რატიანის განცხადებით, აჭარის მთავრობის ყოფილი თავმჯდომარის, თორნიკე რიჟვაძის ჯანმრთელობის მდგომარეობა ამ ეტაპზე სტაბილურად მძიმედ რჩება.
რატიანის განმარტებით, რიჟვაძის ჯანმრთელობის მდგომარეობა დაზიანების სიმძიმეს შეესაბამება.
„პაციენტის ზოგადი მდგომარეობა ამ ეტაპზე რჩება სტაბილურად მძიმე, უარყოფითი დინამიკის გარეშე. უტარდება პროტოკოლით გათვალისწინებული ყველა კვლევა, ყველა დარგის ექიმის, სპეციალისტის კონსულტაცია. მისი მდგომარეობა შეესაბამება დაზიანების სიმძიმეს“, - განაცხადა რატიანმა.
თორნიკე რიჟვაძე საგარეჯოს „ჯეოჰოსპიტალსში“ ცეცხლნასროლი ჭრილობით 7 ივლისს შეიყვანეს. შემდეგ რიჟვაძე პირველ საუნივერსიტეტო კლინიკაში გადაიყვანეს. თორნიკე რიჟვაძის საქმეზე გამოძიება საქართველოს სსკ-ის 115-ე მუხლით არის დაწყებული, რაც თვითმკვლელობამდე მიყვანას გულისხმობს.
ამასთან, თორნიკე რიჟვაძის საქმეზე ბრალდებულის სახით დაკავებულია საზღვაო ტრანსპორტის სააგენტოს უფროსი ალექსი ახვლედიანი. მას ბრალდება, საქართველოს სისხლის სამართლის კოდექსის 238-ე მუხლით წარედგინა, რაც ცეცხლსასროლი იარაღის დაუდევრად შენახვას გულისხმობს.
⭕ ასევე დაგაინტერესებთ:
⭕ალექსანდრა პაიჭაძე თეთრ მოკლე კაბაში პოზირებს - „შეუდარებელი ხარ“
⭕როგორი ამინდია მოსალოდნელი დღეს საქართველოში? - პროგნოზი ქალაქების მიხედვით
