რატომ იყო მაღალი ძაბვა იმ სივრცეში, სადაც, წესით, ბავშვები უსაფრთხოდ უნდა თამაშობდნენ

ექსპერტიზის შემდეგ უკვე პასუხისმგებლობის საკითხი უნდა დადგეს. ვინ გახდება გამოძიების სამიზნე - სამუშაოს დამკვეთი, შემსრულებელი, თუ ექსპლუატაციაში მიმღები. ერთ-ერთი რგოლი თბილისის მერიის გარემოს დაცვის სამსახურია, რომელმაც ტენდერი გამოაცხადა.

ვერტიკალის შემდეგი რგოლი უკვე კომპანია „გრინსერვისი +"-ია, რომელმაც 13 მილიონად შეფასებული ტენდერით გათვალისწინებული სამუშაოები შეასრულა. კომპანიის ერთ - ერთი მეწილე დღეს "კურიერთან" მათი მხრიდან დაშვებულ შეცდომებს გამორიცხავდა და მაღალ სტანდარტებზე მიანიშნებდა.

მთავარი კონტრაქტორი კომპანია, თავის მხრივ, სხვა პასუხისმგებელ რგოლზე, მათ შორის, ქვეკონტრაქტორებზე მიანიშნებს. ყველაზე მეტად საგულისხმო კომპანია "ჯორჯიან იუნიონია." კონტრაქტის მიხედვით, შადრევანის კასკადის ელექტრომომარაგების სამუშაოებზე პასუხისმგებელი სწორედ ეს იურიდიული პირი იყო. ამ საქმისთვის კომპანიამ 72 ათას ლარზე მეტი მიიღო.

ტენდერის პირობების შესრულების ნაწილში მნიშვნელოვანი როლი ეკისრებოდა ინსპექტირების პროცესს. სატენდერო დოკუმენტაციაში რამდენიმე ფაილია დართული, რომელიც სწორედ ინსპექტირების დეტალებს ეთმობა. ბოლოს ეს პროცედურა 29 სექტემბრით არის დათარიღებული და ამ ფაილში ყველა საჭირო პუნქტი გამწვანებულია და ხელმოწერებთან ერთად ბეჭდებიც დასმული აქვს.

ვიდრე გამოძიება კონკრეტული კომპანიების, თუ სამუშაოების შემსრულებლების პასუხისმგებლობებს გამოკვეთს, რიგში პოლიტიკური მართლმსაჯულებაა. დღეს, მათ შორის, თბილისის საკრებულოში არაერთხელ დაისვა კითხვა - უნდა აიღოს თუ არა ვინმემ პოლიტიკური პასუხისმგებლობა.

აგრეთვე დაგაინტერესებთ:

🎥 როგორ ერთობოდნენ ბავშვები ვაკის პარკში ტრაგედიამდე რამდენიმე წუთით ადრე

🔵 „ჩოგბურთში საქართველოს ჩემპიონი იყო...“ - ვაკის პარკში მომხდარ ტრაგედიას მარიტა მეფარიშვილი ემსხვერპლა

🔵 „ყურებიდან და ცხვირიდან სისხლი სდიოდა...“ - თვითმხილველი ვაკის პარკში მომხდარ ტრაგედიაზე

🔵 ვაკის პარკის ტრაგედიისას დაღუპული გოგონას ვიდეო კორტებიდან - ვიდეო

წყარო: rustavi2.ge