საფრანგეთის სარაგბო ჩემპიონატის რანგიოთ მეორე დივიზიონის (PRO D2) მეხუთე ტურის სიმბოლურ გუნდში სამი ქართველი მორაგბე – თორნიკე ჯალაღონია („პროვანსი“), ვანო კარკაძე („ოიონა“) და ლაშა მაჭარაშვილი („აჟენი“) დაასახელეს.
„პროვანსმა“ შინ დიდი ანგარიშით დაამარცხა „დაქსი“ – 42:15. ჯალაღონია ძირითად შემადგენლობაში იყო და 65 წუთი ითამაშა. პროვანსელებს მიმდინარე გათამაშებაში ორ მოგება აქვთ და 12 ქულით მე-9 ადგილზე არიან.
ვანო კარკაძის, ლუკა მატკავასა და ვასილ ლობჟანიძის „ოიონამ“ საკუთარ მოედანზე „ვალანსი“ დიდი ანგარიშით დაამარცხა – 55:8.
ამ შეხვედრაში კარკაძემ ლელო დადო, მატკავამ კი სამი ზუსტი გარდასახვა შეასრულა.
ლაშა მაჭარაშვილისა და ომარ ოდიშვილის „აჟენმა“ საკუთარ მოედანზე „ბეზიეს“ 21:10 სძლია. მაჭარაშვილმა შეხვედრა სასტარტო შემადგენლობაში დაიწყო და 52-ე წუთზე შეცვალეს.
„კოლომიე“ და „აჟენი“ 18-18 ქულით პირველ-მეორე ადგილებს იყოფენ.
⭕ ასევე დაგაინტერესებთ:
⭕ აღმაშენებლის ხეივნის მე-15 კილომეტრზე დაგეგმილი სამუშაოების გამო საავტომობილო მოძრაობა შეიზღუდება
⭕ერთი ფინჯანი ყავა $680-ად - სად იყიდება მსოფლიოში ყველაზე ძვირად ღირებული ყავა?
🎥 სოსისები, ძეხვები, “ნაგეთსები” - როგორ მივხვდეთ, რომელია უსაფრთხო? - ირაკლი არაბულის რჩევები
წყარო: 1tv.ge
