ნაციონალურ საკალათბურთო ასოციაციაში 27-ე მატჩი მოიგო სანდრო მამუკელაშვილის „ტორონტო რეპტორსმა“. კანადელებმა „პორტლენდი“ სტუმრად 110:98 დაამარცხეს.
გამარჯვებაში დიდი წვლილი შეიტანა ქართველმა ფორვარდმა, რომელმაც 35 წუთში 22 ქულა, 6 მოხსნა, 4 პასი და 1 ჩაჭრა მოაგროვა. მამუს ანგარიშზე 6-დან 3 სამქულიანი, 2-დან 1 საჯარიმო და 9-დან 6 ორქულიანია.
22 ქულით სანდრო „ტორონტოს“ ბომბარდირი გახდა, 20-20 ქულა ჰქონდათ ქუიქლისა და ინგრემს.
46 მატჩიდან 27 მოგებით „რეპტორსი“ აღმოსავლეთის კონფერენციაში მეოთხე ადგილზეა. მომდევნო მატჩს 26 იანვარს „ოკლაჰომასთან“ სტუმრად გამართავს.
⭕ ასევე დაგაინტერესებთ:
🎥 „მეოთხე კლასში ვიყავი როცა რვეულში დავწერე - მე მინდა გამოვიდე კაპიტანი...“ - ნათია ლაბაძე
წყარო: 1tv.ge
