მართლმადიდებელი ეკლესია დღეს, 6 მაისს, გიორგობას აღნიშნავს. ამასთან დაკავშირებით ტაძრებში სადღესასწაულო საღმრთო ლიტურგია აღევლინება.
საქართველოში გიორგობას ორჯერ აღნიშნავენ. 6 მაისი დიდმოწამე გიორგის აღსრულების, ხოლო 23 ნოემბერი მისი ბორბალზე წამების დღეა.
წმინდა გიორგი მხედართა, მიწათმოქმედთა, მწყემსთა და მოგზაურთა მფარველად არის მიჩნეული.
წმინდა გიორგი კაპადოკიაში III საუკუნის მეორე ნახევარში დიდგვაროვნების ოჯახში დაიბადა. რომის იმპერატორ დიოკლეტიანეს მმართველობის დროს იგი მხედართმთავარი გახდა. ქრისტიანებზე დევნის დაწყების შემდეგ წმინდანი იმპერატორს განუდგა.
რომის იმპერატორმა მას ქრისტეს უარყოფა მოსთხოვა. წმინდა გიორგი 30 წლის ასაკში ქრისტიანობისთვის ეწამა. სხვადასხვა სატანჯველს შორის ის ბორბალზეც გააკრეს. 303 წელს წმინდა გიორგის თავი მოჰკვეთეს.
ცნობისთვის, წმინდა გიორგი ერთ-ერთი ყველაზე პატივსაცემი ქრისტიანი წმინდანია, რომლის სახელიც მჭიდროდ არის დაკავშირებული საქართველოსთან, მხედრობასთან და ბოროტებაზე გამარჯვებასთან.
გველეშაპის დამარცხება ყველაზე ცნობილი ლეგენდა წმინდა გიორგის მიერ გველეშაპის განგმირვას ეხება. სიმბოლურად, ეს არ არის მხოლოდ ფიზიკურ არსებასთან ბრძოლა, ეს არის ქრისტიანობის გამარჯვება წარმართობაზე და კეთილის გამარჯვება ბოროტებაზე.
საქართველოში წმინდა გიორგი განსაკუთრებით უყვართ. გადმოცემის თანახმად, წმინდა ნინო (საქართველოს განმანათლებელი) მისი ახლო ნათესავი იყო და სწორედ მან დაამკვიდრა მისი კულტი ჩვენს ქვეყანაში.
საქართველოს სახელმწიფო დროშაზე გამოსახული ხუთი ჯვარი სწორედ წმინდა გიორგის სახელს უკავშირდება (ე.წ. ჯორჯიას ჯვარი).
გიორგობა საქართველოში წელიწადში ორჯერ აღინიშნება: 6 მაისს, წმინდანის აღსრულების დღე.23 ნოემბერს, მისი ბორბალზე წამების დღე, ეს თარიღი ქართული ტრადიციისთვის უნიკალურია.
⭕ აგრეთვე დაგაინტერესებთ:
⭕„ფიზიკურად ვერ გპასუხობთ, მადლობა თითოეულ თქვენგანს ამხელა სიყვარულისთვის“ - მარიამ შარმანაშვილი
⭕რატომ გვთავაზობენ ყავასთან ერთად წყალს? - ამ ტრადიციას თავისი მიზეზი აქვს, რას წერს არუნ ხათრი