საქართველოში კერძი მხოლოდ საკვები არ არის. ის არის ტრადიცია, იდენტობა და ადამიანებს შორის კავშირის ფორმა. თითოეულ სუფრას, რეცეპტს და გემოს თავისი ისტორია აქვს, რომელიც თაობიდან თაობას გადაეცემა და ქვეყნის კულტურულ მეხსიერებას ინახავს.
გადაცემაში „პრაიმ შოუ“ გვაცნობს მცხეთა-მთიანეთის გამორჩეულ გემოებს, გვიყვება დამბალხაჭოს სამკურნალო თვისებებსა და მცხეთა-მთიანეთის კულინარიის უნიკალურობაზე:
„დამბალხაჭო არის ფშაური კერძი, მზადდება ერწო-თიანეთის, ფშავის მიდამოებში შეგროვებული რძისგან. აქვს ბუნებრივი, ნატურალური ობი, რაც შეიცავს პენიცილინს და არის ნატურალური ანტიბიოტიკი, თავისთავად არცერთ არეალში მოწველილი ძროხის რძე ამას არ იკეთებს.
ეს არის ბუნებრივი. უნდა იყოს კარგი ხარისხის შედღვებილი, ცხიმ გამოცლილი ხაჭოსგან დამზადებული და მხოლოდ მარილი“, - ეკა დოჯურიშვილი.
ასევე დაგაინტერესებთ:
🎥 „ითვლება, რომ ეს კერძი ბარაქის მომტანია...“ - ზაზა ჭრიკიშვილი ქვემო ქართლის ტრადიციულ კერძზე
