სიყვარული არის გრძნობა, რომელიც არ ცნობს საზღვრებს და როგორც ამბობენ, ნამდვილი სიყვარული ასაკობრივ შეზღუდვებსაც არ ემორჩილება. სიყვარული ურთიერთგაგება, ზრუნვა, ერთგულება და ჰარმონიაა.
როდესაც მეორე ადამიანის მიმართ გრძნობები ჩნდება მას უკვე აღარ აინტერესებს რიცხვი, რომელიც პასპორტში წერია. იქ, სადაც გულწრფელი სიყვარულია გრძნობებს დრო ვერაფერს აკლებს.
არაერთი მაგალითი არსებობს წყვილების, რომელთა სიყვარულმა ასაკობრივი სხვაობის მიუხედავად წლებს გაუძლო, დროსთან ერთად არათუ განელდა, არამედ გაძლიერდა კიდეც.
გადაცემამ „პრაიმშოუ“ მოიწვია სტუმრები, რომლებმაც ეცადნენ საზოგადოების დარწმუნება იმაში, რომ სიყვარულმა ასაკი არ იცის. მათ შორის იყო მომღერალი თამარ ალადაშვილი, რომელსაც 15 წლით დიდი მეუღლე ჰყავს და 10 წლიანი ურთიერთობის შემდეგ იქორწინეს:
„ძალიან დიდი ფიქრის, ურთიერთობის შემდეგ მოხდა ეს ყველაფერი. იმდენად ამოუცნობია ჩემი მეუღლე, რომ არასდროს ელეოდა სიურპრიზების იდეები. სიყვარულის, შეყვარებულების ეტაპი სწორედ ამ დაუსრულებელმა აღმოჩენებმა გაახანგრძლივა. ის უფრო საინტერესო იყო ჩემი აზრით.
დავრწმუნდით, რომ ძალიან გვიყვარდა ერთმანეთი. რომ დავინახე, ვიცოდი ასაკით ჩემზე დიდი იყო, დავიწყეთ მეგობრობით, საინტერესო საუბრებით, მაშინ 22 წლის ვიყავი. არ ვიყავი პატარა გოგო, სულ ვფიქრობდი მომავალზე, ვშრომობდი ჩემი მიზნებისთვის...“, - ამბობს თამარ ალადაშვილი.
ასევე დაგაინტერესებთ:
