სტილისტი ლანო წურწუმია სოციალურ ქსელებში და მათ შორის „ტიკტოკზე“ საკმაოდ პოპულარულია, რომელსაც უამრავი გულშემატკივარი და ამავდროულად კრიტიკოსებიც ჰყავს. მის განსხვავებულ სტილსა და თმის შეჭრის მანერაზე საზოგადოება მუდმივად საუბრობს, სწორედ აღნიშნული პოპულარობის გამო მან 2024 წელს გადაცემაში „ნიჭიერი“ მიიღო მონაწილეობა, სადაც თმის შეჭრის პრაქტიკული გაკვეთილი ჩაატარა.
ახლა კი გადაცემის „დღის პოსტი“ სტუმარი იყო, სადაც მის ცნობილ ტიკტოკ „ტრენდზე“ ისაუბრა:
„ბევრს ჰგონია, ტრენდისთვის ვამზადებ ამ ყველაფერს, მაგრამ ეს ყოველდღიურობაში მაქვს. მუსიკის გარეშე არ შემიძლია, ეს ჩემია.
მოწმენდილ ცაზე არ შექმნილა ეს მუსიკა ჩემს ცხოვრებაში, მაგრამ ამაზე არ ვილაპარაკებ.
სალონში არამხოლოდ ვმუშაობთ, არამედ ვერთობით, მივირთმევთ სასმელს.
მე ვკითხე იმ კაცს შეიძლება თუ არა მემღერა და მითხრა კი“, - ამბობს ლანო წურწუმია.
ასევე დაგაინტერესებთ:
