კესარია აბრამიძის მკვლელობაში ბრალდებული ბექა ჯაიანი დაკავებულია. მომხდართან დაკავშირებით გამოძიება - გენდერის ნიშნით დამამძიმებელ გარემოებაში ჩადენილი მკვლელობის მუხლითაა დაწყებული.
არსებული ინფორმაციით ჯაიანი საქართველოს დატოვებას ცდილობდა. იგი ქუთაისის საერთაშორისო აეროპორტში დააკავეს.
ბრალდებული წარმოშობით სენაკიდანაა, როგორც მისი მეზობელი „კურიერთან“ აცხადებს ბექა ჯაიანი დაახლოებით 10 წელია თბილისში ოჯახთან ერთად ცხოვრობს.
„თბილისში ათი წელია იმყოფება ბავშვი. სწავლობდა. რა ვიცი დაცვაში მუშაობდა. იქ ცხოვრობენ ყველა დედა, მამა და გაცემენ პასუხს“,- ამბობს კურიერთან მკვლელობაში ბრალდებულის მეზობელი.
ცნობისთვის, თბილისში, დიდ დიღომში ტრანსგენდერი კესარია აბრამიძე საკუთარ სახლში 18 სექტემბერს მოკლეს.
შინაგან საქმეთა სამინისტრომ კესარია აბრამიძის მკვლელობაში ბრალდებული პირი დააკავა. მათვე ცნობით, მომხდარზე დანაშაული კი 16-დან 20 წლამდე ან უვადო თავისუფლების აღკვეთას ითვალისწინებს.
⭕ აგრეთვე დაგაინტერესებთ:
⭕„დარწმუნებული ვარ მკაცრად დაისჯება... თანავუგრძნობ გარდაცვლილის ოჯახს და მეგობრებს“ - ნინო წილოსანი
