აქონდროპლაზიის სინდრომის მქონე, პატარა პეტრეს დედა, მაკუნა გოჩიაშვილი სოციალურ ქსელში სასიხარულო ინფორმაციას ავრცელებს და წერს, რომ პეტრემ წამლის პირველი დოზა გაიკეთა.
„თავიდან პატარა რეაქცია მისცა – ნანემსარის გარშემო სიწითლე, ოდნავ დაფოთლა.
ცოტა დიდხანს გაგვაჩერეს, აკვირდებოდნენ, მაგრამ მალევე გაუფერმკრთალდა და აულაგდა.
უკვე გამოგვიშვეს“, – წერს მაკუნა გოჩიაშვილი.
მანამდე მაკუნა გოჩიაშვილმა კიდევ ერთი პოსტი დაწერა:
„დღეიდან ყოველდღე 16-17 წლამდე, ანუ მანამ, სანამ ზრდის ზონები დაეხურება, ინექციის სახით გავუკეთებთ წამალს, რომელიც ხრტილის გაზრდას და გაძვალებას დაეხმარება.
დღეს წამლის გაკეთებამდე, გავზომავთ საფუძვლიანად (მჯდომარე სიმაღლესაც) და შედეგებს დავაკვირდებით.
ბავშვებს, რომლებმაც ნოემბერში დაიწყეს წამლის მიღება, 3 თვეში 2 სანტიმეტრიანი ზრდა ჰქონდათ, რაც პეტრეს ბოლო წელიწადში არ ჰქონია.
ასე რომ მოლოდინები გვაქვს გრანდიოზული. პეტრესთან ერთად მკურნალობას დღეიდან აქონდროპლაზიის მქონე ოთხი ბავშვი შეუერთდება“- დაწერა გოჩიაშვილმა.
აგრეთვე დაგაინტერესებთ:
🎥 როგორ მოვირგოთ სადა სამოსი განსხვავებულად - ჯანეტ ქერდიყოშვილის გამორჩეული სტილი
