ჟურნალისტი, ხატია სიჭინავა დიდ დიღომში მომხდარ საზარელ ფაქტს - 12 წლის მოზარდის მკვლელობას სოციალურ ქსელში ეხმაურება და ხელისუფლებას მოუწოდებს გააძლიერონ პოლიცია, სანამ ხალხი ლინჩის წესით დაიწყებს დამნაშავის გასამართლებას.
„ამდენმა ზიზღმა და სიძულვილმა შვა მკვლელები, მანიაკები და ფსიქოპათები!!!
ფეხებზე მკიდია თქვენი პოლიტიკაც და სკამებზე გაგიჟებული ორივე მხარეც!!
გააძლიერეთ პოლიცია!!!
სანამ ხალხმა ლინჩის წესით დაიწყო გასამართლება!!
მე პირადად აუცილებლად ვიყიდი იარაღს!!
პედოფილები უნდა ჩაკლა ადგილზე!!
ესენი არიან გამოუსწორებელი ავადმყოფები!!!
შოკიდან ვერ გამოვდივარ ! იქნებ სადღაც გვერდით იყო ბავშვი, სანამ მე ჩემს შვილს ველოდებოდი წრეზე !
როგორ ვერავინ ვერ გიშველა, შვილო, ამაზე დიდი ტრაგედია არ არსებობს!!!“, - წერს ხატია სიჭინავა.
ამ დროისთვის არსებული ინფორმაციით, არასრულწლოვანი გუშინ საღამოს დაიკარგა. მას 23:00 საათიდან სამართალდამცველები და ადგილობრივები ეძებდნენ. მოზარდი ბოლოს პეტრიწის ქუჩის მიმდებარედ, სკვერში ნახეს. რამდენიმე საათის შემდეგ კი მოშორებით, უგონო მდგომარეობაში იპოვეს. ადგილზე სასწრაფო დახმარების ბრიგადა მივიდა, თუმცა ბევრი მცდელობის მიუხედავად, გოგონას გადარჩენა ვერ მოხერხდა.
გავრცელებული ცნობით, მომხდარ ფაქტთან დაკავშირებით გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
ასევე დაგაინტერესებთ:
