ფოტოგრაფი გოგა ჩანადირი სოციალურ ქსელში მორიგ სტატუსს აქვეყნებს, სადაც გარდაცვალებაზე წერს:
„არავინ ვიცით, ხვალ რა დღე გაგვითენდება.
შეიძლება, დასასვენებლად წახვიდე და უბედურებად გექცეს.
ტრაგედია ან ახლობლის გარდაცვალება ხშირად გაფიქრებინებს, რომ არავითარი აზრი არ აქვს გადამეტებულ შემგროვებლობას, მიმტაცებლობას, ტყუილს, საკუთარი თავის ყველაზე წინ დაყენებას.
კაბინეტ-სავარძელსაც არ აქვს ფასი და ტყუილად იკლავენ თავს ამისთვის.
ეს ყველაფერი ამაოა. იქ არავის არაფერი მიაქვს.
ეს ცხოვრება მართლა წუთია.
ოღონდ, მის მიმართ ჩვენეული, უფრო პირადული გაგება გვაქვს. გვინდა, რომ ყველაფერი მოვასწროთ. ლამის, ამ წუთსაც გავასწროთ. არადა, ეს წუთი არა მოსასწრებად, არამედ ღირსეულად ცხოვრებისთვის არის ჩართული.
არავინ ვიცით, ხვალ როგორი დღე გაგვითენდება. ამიტომ, ვიცხოვროთ ისე, რომ სანანებელ-გასაბრაზებელი არ გვქონდეს. უბრალოდ, არ დავკარგოთ ადამიანის სახე“, - წერს გოგა ჩანადირი.
ასევე დაგაინტერესებთ:
⭕ილია თოფურია World MMA Awards-ზე წლის საუკეთესო უცხოელი მებრძოლის ნომინაციაშია წარდგენილი
