სოციალურ ქსელში სამწუხარო ინფორმაცია ვრცელდება.
გავრცელებული ცნობით, წყალტუბოში, სოფელ გუმათში არასრულწლოვანი გეგი ხეცურიანი ძველით ახალ წელს ბრმა ტყვიამ იმსხვერპლა. ამის შესახებ გავრცელებული პოსტების კომენტარებში ახლობლები წერენ:
„გეგი, ჩვენო მერცხალივით ბიჭო, სიცოცხლეზე შეყვარებულო, ძლიერო და მიზანდასახულო, ნაადრევად შეეკვეცა შენს ოცნებებს ფრთები. როგორ გავძლოთ უშენოდ, აწ ჩვენო ანგელოზო.
როგორ შეძელი ამ ციცქნამ თავი ყველასთვის შეგეყვარებინა და შენი წასვლით დაგედუმებინა სამყარო.
გული მოგვიკალი, გეგი, როგორ ვიცოცხლოთ უშენოდ?! შენი სკოლისთვის, შენი კლასისა და მასწავლებლებისთვის დაუვიწყარი, სალოცავი ხატი იქნები, ჩვენო საყვარელო გეგი!“, - წერენ სოციალურ ქსელში.


⭕ასევე დაგაინტერესებთ:
🎥 როგორ მოვუაროთ ზამთარში კანს და რატომ არის საჭირო SPF-ი: ნინო ხაინდრავას რეკომენდაციები