ემიგრანტი ანა ბარბაქაძე, რომლის დედასაც დემენცია აქვს, სოციალურ ქსელში გამომწერებს ხშირად უზიარებს კადრებს ყოველდღიური ცხოვრებიდან.
გარდა ამისა, ემიგრანტი ცდილობს პერიოდულად საზოგადოებას სწორი რჩევები მისცეს.
ანას დედა 80 წლის გახდა. შვილმა კი მასთან ერთად გადაღებული ფოტოები სოციალურ ქსელში გაავრცელა, რომელსაც ემოციური პოსტი დაურთო:
„ყოველთვის თავს განდეგილად ვგრძნობდი, ყოველთვის ჩრდილქვეშ ვიდექი, მრცხვენოდა საკუთარი თავის არსებობა.
სირცხვილი ბავშვობაში მასწავლეს, რასაც თქვენ გიზიარებთ და მოგწონთ ამას ბავშვობაში ვამბობდი და ყველა დამცინოდა. არა იმიტომ, რომ სასაცილო იყო ის რასაც ვამბობდი, არამედ იმიტომ, რომ მათი გონი ჯერ არ იყო მომწიფებული რეალობის მისაღებად და თავს ჩემი დაცინვით იცავდნენ. ასე მალავდნენ უცხო ხილისადმი შიშსა და ძრწოლას.
მერე რა, მოვა დრო და მიხვდებიან, ტკივილიანი ვიტყოდი და ვაგრძელებდი ყველასგან შორს მდგარი არსებობას.
თუ მორიდებულობის დამალვას ვცდილობდი, ვხვდებოდი ჭარბად მოსაუბრე, ბჟუტურით ვცდილობდი ჩემ სახეზე არსებული სიწითლის გადაფარვას.
ახლაც მორიდებული ვარ, მაგრამ ახლა თქვენი სულის სიდიადის დამნახველი ვირჩევ მორიდებულად ყოფნას.
დედამ და დემენციამ სამყარო სულ სხვაგვარად დამანახვა, შემცვალა და ჩემში არსებული ცხოველი აღამაღლა, დედამ ტკივილით მასწავლა საკუთარი თავის სიყვარული და სამყაროს ნდობა. მადლიერი ვარ და არ დავიღლები განმეორებით, დედამ და დემენციამ მე უკეთესობისკენ შემცვალა, დედამ და დემენციამ ყველაზე ნეგატიურად მოაზროვნე მე, პოზიტიური გამხადა, დედამ და დემენციამ მე უპირობო სიყვარული მასწავლა.
დედოფალი აელიტა 80 წლის გახდა, 4 დაბადების დღეს ხვდება კანადაში, ჩვენთან ერთად. თავიდან ისე ცუდად იყო დედა ბოლო სტადიის დემენციის გამო, ვინმეს რომ ეთქვა ზემოთ აღნიშნული არ დავიჯერებდი. ეს გახლავთ უპირობო სიყვარულის ძალა. სასწაულები ხდება, ბედნიერი და მადლიერი ვარ“, - წერს ანა ბარბაქაძე.
ასევე დაგაინტერესებთ:
