„ეს არის სხეულის სიგნალი, რომელსაც თუ დროულად არ მოვუსმენთ, ჩუმად გადაიქცევა დიდ პრობლემად“ - რა ითვლება ბავშვში ყაზბობად?

„რა ითვლება ყაბზობად ბავშვთა ასაკში?

ნაწლავთა მოქმედება დღეში 1-2-ჯერ იდეალური სიხშირეა, მაგრამ დღეში 3-იდან, კვირაში 2–3-ჯერამდე ესეც შეიძლება ნორმა იყოს, თუ:

✅დეფეკაცია არ არის მტკივნეული

✅განავალი არ არის ძალიან გამკვრივებული

✅ბავშვი არ იკავებს ტკივილით

✅მუცელი არ სტკივა...

❗️ყაბზობის კლინიკური სურათია თუ ნაწლავთა მოქმედება ნაკლებია კვირაში 2-ზე ❗️ ან უფრო ხშირადაა, მაგრამ ხდება ტკივილით, გაძნელებით, შეკავებით....

✅რა არის ყაბზობის მიზეზი?

ბავშვთა უმეტესობაში მიზეზი ფუნქციურია (ანუ ორგანული დაავადების გარეშე):

✅ტუალეტის შიში (ტკივილის გამოცდილების შემდეგ)

✅კვების რეჟიმის დარღვევა, კვებაში ნაკლები ბოჭკო, სითხის ნაკლებობა

✅ეკრანთან ხანგრძლივი დროის გატარება (ფიზიკური აქტივობის შემცირება)

✅ნეიროგანვითარების დარღვევები იშვიათად, მაგრამ მნიშვნელოვანია გამოვრიცხოთ ორგანული მიზეზები (მაგ: ჰირშპრუნგის დაავადება, ჰიპოთირეოზი და სხვა).

რას აკვირდება მშობელი?

✅თუ 3 დღეზე მეტხანს არ აქვს დეფეკაცია

✅ტუალეტზე ჯდომისას ტირის, ეშინია, იკავებს, ფეხებს ჭიმავს ან აჯვარედინებს, იმალება დეფიკაციის დროს...

✅აქვს მუცლის შებერილობა

✅საცვალზე მცირე რაოდენობით განავლის გაჟონვა ხდება (ეს უკვე გადავსებული ნაწლავის ნიშანია!)

‼️რას ვაკეთებთ?

კვებას ვაქცევთ ყურადღებას და რაციონს ვამდიდრებთ ბოჭკოვანი კვებით (ბოსტნეული, ხილი, რძემჟავა პროდუქტები)

✅საკმარისი სითხის მიღების კონტროლი

✅ფიზიკური აქტივობა

‼️ძალიან მნიშვნელოვანია — არ დავაძალოთ და არ დავსაჯოთ.

‼️ თუ პრობლემა გრძელდება, მხოლოდ დიეტა არ არის საკმარისი. ხშირად საჭიროა ოსმოსური საფაღარათოები , რომლებიც უსაფრთხოა და არ იწვევს დამოკიდებულებას. როდის მივმართოთ პედიატრს ან გასტროენტეროლოგს დაუყოვნებლივ?

✅თუ შეამჩნევთ:

❗️️სისხლს განავალში

❗️წონის კლების ტენდენციას

❗️ძლიერ მუცლის ტკივილს

❗️ქრონიკული, მკურნალობაზე რეზისტენტული ყაბზობა…

‼️უნდა გვახსოვდეს, რომ ყაბზობა არ არის „მცირე დისკომფორტი“- ეს არის ბავშვის სხეულის სიგნალი, რომელსაც თუ დროულად არ მოვუსმენთ, ჩუმად გადაიქცევა დიდ პრობლემად“, - წერს ინგა მამუჩიშვილი.

ასევე დაგაინტერესებთ:

⭕„არც ხვიჩა იყო ფრანგი და არც გიორგი ინგლისელი, ორივე დიადი საქართველოს შვილები არიან, მაგრამ...“ - რას წერს გოგა ჩანადირი

⭕საქართველოში მიწისძვრა მოხდა

⭕„ყველა „სიყვარულზე“ ქადაგებს, ვითომ გასხივოსნებული ეზოტერიკოსები, ტვინი წაიღეს...“ - რას წერს ვატო მსხილაძე