14 ივნისს, ავტოსაგზაო შემთხვევას გონიოში სამი ადამიანის სიცოცხლე ემსხვერპლა, დაშავებულია ორი ადამიანი. ცნობილია დაღუპულების ვინაობაც: მეგი ჯაიანი, ანა მახარაძე და სალომე გორგაძე.
თვითმხილველების ინფორმაციით, ავტოსაგზაო შემთხვევისას ორი მსუბუქი ავტომობილი ერთმანეთს შეეჯახა, ხოლო ამის შემდეგ ერთ-ერთი მსუბუქი ავტომობილი სატვირთო ავტომობილს დაეჯახა.
ავარიის დროს დაღუპული მეგი ჯაიანის და ნაზი ჯაიანი სოციალურ ქსელში ემოციურ ვიდეოს ავრცელებს, სადაც ჩანს, რომ მათ საცხოვრებელ სახლს მერცხალი არ სცილდება:
„ამ დრომდე არ მჯეროდა სასწაულების, მაგრამ შენ ჩემს და ჩვენს ცხოვრებაში ყველაფერი ააყირავე.
ძალიან ბევრმა მომწერა, რომ ეს ჩიტი მთელი დღე სადარბაზოს არ მოსცილებია, დაკრძალვამდე და დაკრძალვის მერეც.
გუშინ რომ შემოფრინდი და ჩვენს ირგვლივ ტრიალებდი, ახლა დილის 9:31 წუთია და შენ ისევ აქ ხარ, ისევ ჩვენს გვერდით, არადა გუშინ მამიკომ კარები სპეციალურად ღია დაგიტოვა გაფრინდესო, ცოდოა აქო, მაგრამ შენ ხომ ძალიან ჯიუტი იყავი და ხარ?
თვალს არ გაშორებდა მამიკო, თვალებში შეგციცინებდა იქნებ რამე უნდა და მანიშნოსო ჩემო სიცოცხლე
ვერ გეტყვი და ვერ ავხსნი ჩემს გულში რა ხდება ან აწი რა იქნება, ის ვიცი რომ ამის შემდეგ ჩემს სიცილსაც, ღიმილსაც და ტირილსაც ერთი ფასი აქვს, მამიკოს პირადი ანგელოზი.
ჩვენზე თუ არა მამიკოზე მაინც როგორ არ იფიქრე?!
მეგიკუნა, ჯერ ხომ წინ ძალიან ბევრი რამ გვქონდა ერთად გასაკეთებელი?! სად გეჩქარებოდა?! გთხოვ, ხშირად მანიშნე, რომ სულ ჩემს გვერდით ხარ, გთხოვ, ხშირად მოდი ჩემთან სიზმრებში.
ვიცი, რომ სულ ჩემს გვერდით იქნები, როგორც ჩემი მფარველი ანგელოზი და დამიცავ მუდამ!
მიყვარხარ სამუდამოდ და უსაზღვროდ, ჩემო სიცოცხლე“, - წერს ნაზი ჯაიანი.
ასევე დაგაინტერესებთ:
⭕ იტალიაში ქართველ ემიგრანტს ეძებენ - „10 დღეა კონტაქტზე არ გამოსულა ოჯახთან“
⭕ „ძლივს დავითანხმე თმის შეჭრაზე“ - დალი ჩიტალაძე დედის კადრებს გვიზიარებს
